روکپتی بلوچستان ءِ دمگ جاسک ءَ سیزدہ سالی ئیں ورنایے آپ ءَ کپتگ ءُ بیران بیتگ-
زھگ گوستگیں روچ ءَ آپ کپتگ ءُ آئی ءِ پجار زبیر جواد زادہ جھمنند کاشی جاسک ءِ نام ءَ زانگ ءَ بیتگ-
روکپتی بلوچستان ءَ ھمک سال چوشیں وئیل بوگ ءَ اَنت کہ چریشی ءَ اود ءَ مردم کپگ ءُ بیران بوگ ءَ اَنت-
گوستگیں سال ءَ سِی ءُ ھپت مردم ھمے داب ءَ آپاں کپتگ ءُ بیران بیتگ اَنت کہ اشانی توک ءَ بیست ءُ یک زھگ ھوار اَنت آ ھوٹک، کور، جوہ ءُ دگہ ھمے دابیں وئیلانی آماچ بیتگ اَنت-