امریکہ ءَ زمستانی مولم ءَ توپان، جتا جتائیں وئیلاں بیران بیتگیں مردمانی کچ پنجاہ ءَ سر بیتگ اَنت

سر بیتگیں ھالانی رد ءَ امریکہ ءَ برپانی توپان ءَ جتا جتائیں وئیلاں بیران بیتگیں مردمانی کچ پنجاہ ءَ سر بیتگ اَنت ءُ پانزدہ ھزار بالیگ مھتل کنگ بیتگ اَنت-

اُستان نیویارک ءِ روکپتی جاھاں چِل ءُ سَء انچ برپ مُچ اَنت ءُ بازیں گاڑی برپانی سبب ءَ مھتل بیتگ اَنت ءُ ھزارانی ھساب ءَ مھلوک بجلی ءَ چہ زبھر بیتگ اَنت-

درستانی گیش اسرمندتریں شھر بفیلو گندگ ءَ اتکگ کہ اود ءُ بالی پٹ داں سَے شمبے ءَ بند کنگ ءِ جار پرینگ بیتگ ءُ بازیں کچے ءَ دگانی سر ءَ برپ مُچ اَنت ءُ روگ ءُ آیوکی مھلوک ءَ مشکلانی دیمپانی اِنت-

بفیلو ءَ داں انگت ءَ بیست ءُ پنچ مردم بیران بیتگ اَنت ءُ داں آدینگ ءَ انیگ ءَ ھشت فُٹ برپ مُچ اَنت سارتیں گوات ءُ برپگواری ءِ درچ برجاہ اِنت –

واکدارانی گوشگ اِنت بفیلو ءَ بیرانیانی کچ گیش بوت کن اَنت اشی ءَ پیش زمستانی موسم ءَ نوزدہ سد ءُ ھپتاد ءُ ھپت ءَ بفیلو ءَ سِی مردم بیران بیتگ ات اَنت-