گوادر ءَ پوج ءُ زھرشانی کنوکانی میان ءَ چمّ پیشدارکائی ءُ موباھل سروس بند کنگ بیتگ

بلوچستان ءِ تیاب دپی شھر گوادر ءَ ھک دے تھریک ءِ نندانک سر ءَ گوستگیں شپ ءَ کریک ڈاؤن جنگ ءَ پد زیکیں سُھب ءَ چہ شھر ءِ جاور نگیگ اَنت –

نندانک سر ءَ پوج ءِ لَٹ ءُ کُٹ دزگیری ءِ بگیری ءَ زالبول ءُ دگہ جتائیں ھندانی سر ءَ زھرشانی کنگ ءَ اَنت- دگہ بازیں ھندانی سر ءَ پاکستانی پوج ءُ زھرشانی کنوک دیم پہ دیم چمّ پیشدارکائی برجاہ ءَ اِنت-

گوادر شھر ءَ مکران ءِ دگہ دمگاں چہ جھلی ھال ایوالی مھتل بوتگ- شھر ءُ پورٹ ءِ نزیک ءَ زھرشانی کنوکانی نیمگ ءَ چہ پوج ءِ گاڑیانی سر ءَ ڈوک جنوکائی بیتگ-

پولیس ءَ زھرشانی کنوکاں گر ءُ دار ھاتر ءَ ارسے گیس ءُ لٹ ءُ کُٹ کتگ چریشی ءَ چہ بازیں زھرشانی کنوک ٹپی بیتگ-

ھمے وڑ تربت ءَ ھال سر بیتگ کہ پوج ءَ ھک دے تھریک ءِ باسکانی لوگاں بیڑبرتگ ءُ بلوچ دودمان لگتمال کتگ اَنت-

ھک دے تھریک رِد ءَ پوج ءَ زالبول لَٹ ءُ کُٹ کتگ اَنت-

گوادر ءَ موباھل سروس ھم بند کنگ بیتگ چریشی ءَ باپاری مردماں ابید اھوالکار ھم دلسیاھی ءِ دیمپان اَنت