پشین: تیرگواری ءَ دو زالبول بیران

بلوچستان ءِ دمگ پشین ءَ ناشناسیں مردماں یک لوگے ءِ سر ءَ تیرگواری کنان ءَ دو زالبول کشتگ اَنت-

سر بیتگیں ھالانی رد ءَ پشین ءِ ھند کلی پیران ءَ سلاہ بندیں مردماں تیرگواری کنان ءَ زالبول کُشتگ اَنت-

پولیس ءِ رد ءَ سلاہ بندیں مردماں یک لوگے ءِ سر ءَ تیرگواری کرتگ ءُ چریشی ءَ دو زالبول ھما دمان ءَ بیران بیتگ اَنت-

پولیس ءَ لاش چست کرتگ ءُ ڈسٹرکٹ ھسپتال ءَ سر کرتگ اَنت –

پولیس ءِ رد ءَ تنی وھدی تیرگواری ءِ سبب زانگ نہ بیتگ ءُ گیشیں پٹ ءُ پول پولیس کنگ اِنت-

زانگ بہ بیت بلوچستان ءَ تیرگواریانی وئیل وھد وھد ءِ سر ءَ برجاہ اَنت کہ اود ءَ مردم بیران ءُ زدگ بوگ ءَ اَنت-

گوستگیں روچ ءَ بلوچستان ءِ جتا جتائیں جاھاں دگ ءِ وئیلاں پنچ مردم بیران ءُ پنچ زدگ بیتگ اَنت-

بلوچستان ءَ ناگتی وئیل ءُ دگہ تیرگواری وئیلانی ھاسیں گر ءُ دار ءِ نہ بوگ ءِ سبب ءَ اود ءَ مردم وتی زند ءَ زبھر بوگ ءَ اَنت-