کیچ: گورنمنٹ بوائز ماڈل سکول تربت ءَ ھمک سالی گوازی ھپتگ بندات بوتگ

کیچ ءِ بنجاھی شھر تربت ءَ گورنمنٹ بوائز ماڈل سکول ھمک سالی گوازی ءِ ھپتگ بندات کنگ بوتگ ءُ مراگش ءِ برجم دارگ بوتگ –

بنداتی مراگش ءِ گچینی مھمان کیچ ءِ ڈپٹی کمشنر بوتگ وھدیکہ نودربراں مکران ءِ ڈائریکٹر ایجوکیشن، کیچ ءِ ڈی ای او ءُ ماڈل وانگجاہ ءِ پرنسپل ھوار ایندگہ مھمان نوکیں دابے ءَ وش اتک کُتگ انت ءُ بلوچی سوت “کدم کدم روان بہ بئے” ءِ سر ءَ بلوچی دو چاپی پیش داشتگ –

گوازی ءِ ھپتگ ءِ بنداتی مراگش ءَ ڈپٹی کمشنر ءُ دگہ مردماں تران کُتگ ءُ نودربراں ھمے گوشتگ کہ آ شریں وڈی ءَ گوازی ءَ بھر بہ زور انت – کیچ ءِ ڈپٹی کمشنر ءَ گوازی ءِ ھپتگے ھاتر ءَ وانگجاھاں واکداراں لک کلدار دیگ ءِ جار ھم جتگ –

ماڈل اسکول ءَ ھمک سالی گوازی ھپتگ ءِ بنداتی ءَ ڈپٹی کمشنر بشیر احمد بڑیچ ءُ مکران ءِ ایجوکیشن ڈائریکٹر غفور احمد دشتی ءُ ڈی ای او منظور احمد ءَ کرکٹ ٹورنمنٹ ءِ بندات کتگ –

گوستگیں روچ ءَ گورنمنٹ بوائز ھائی سکول گوکدان ءَ ھم ھمک سالی گوازی ھپتگ بندات کنگ بوتگ –