زاھدان: بندیگیں دو کس پاھو دیگ بیتگ اَنت

روکپتی بلوچستان ءِ بنجاھی شھر دزاپ “زاھدان ” ءَ ایرانی آمیدگس ےَ دس کس پاھو داتگ اَنت-

پاھو گوستگیں روچ ءِ سھب ءَ دیگ بیتگ اَنت – ھردوکیں مردمانی پجار سِی ءُ دو سالی ئیں ناصر عمرزئی ء چراغ جھمنند ھاش ءُ زاھدان ءِ جھمنندین سِی ءُ نُھ سالی ئیں علی رضا ناروئی ء ولی مھمد ءِ ناماں زانگ بیتگ اَنت-

ھالانی تہ ءَ گوشگ بیتگ کہ ناصر عمر زئی، علی رضا ناروئی، مھمد امین عمرزئی، انوشیروان عمرزئی، غلام رسول مزار زئی سال دوھزار ءُ دوازدہ ءَ نشہ ءِ پاری ءِ بھتام ءَ یکبر ءَ گرگ بیتگ اَنت ءُ آ ایرانی آمیدگس ءَ مرگ ءِ سزا داتگ اَنت-

ھالانی تہ ءَ گوشگ بیتگ کہ اشانی کھول ھال دیگ بیتگ ءُ آیانی لاش کھولانی ھوالگ ءَ کنگ بیتگ اَنت-

زانگ بہ بیت روکپتی بلوچستان ءَ پاھو دیگانی درچ یکشل ءَ برجاہ اَنت تنی وھدی بازیں کچے ءَ مردم پاھو دیگ بیتگ اَنت-

پاھو دیگ بیتگیں گیشتریں مردم نشہ باپاری ءِ بھتام ءَ پاھو دیگ بیگ ءَ اَنت بلے دومی نیمگ ءَ گمان ھمے کنگ بیگ اِنت بندیگیں مردماں وتی سپاھی کنگ ءِ موہ باز کم دیگ بوگ ءَ اِنت-