پسنی ءَ چُک ءَ وتی مات کُشتگ

بلوچستان ءِ تیاب دپی دمگ پسنی ءَ چُک ءَ وتی مات کُشتگ-

سربوتگیں ھالانی رِد ءَ بلوچستان ءِ تیاب دپی دمگ پسنی ءِ ھبد ببرشور یک زاکر نامیں ورنایے ءَ وتی مات سادانی سر ءَ بستگ ءُ تپر جتگ کُشتگ-

دمگی مردمانی رِد ءَ زاکر یک نشہ آماچیں ورنایے اے وئیل ھما وھد ءَ دیم ءَ اَتکگ وھدے کہ چُک پہ نشہ ھاتر ءَ مات گور ءَ زر لوٹ اِتگ ءُ زر ندیگ سبب ءَ آئی ءَ وتی مات گپتگ ءُ بستگ تپر جتگ کُشتگ-

وئیل ءَ پد پولیس ءَ کُتکار گپتگ ءُ گیشیں پٹ ءُ برجاہ کتگ وھدے کہ لاش دزگپتگ ءُ نادُراھجاہ ءَ برتگ چار ٹپاس کنگ ءَ پد کھول ءَ داتگ-

زانگ بہ بیت بلوچستان ءَ گیشتریں دمگاں بازیں ورنایے نشہ آماچ اِنت ءُ نشہ باپاری کنوک سر بازار ءَ نشہ بھا کنگ ءَ اَنت بلے دمگی انتزامیہ اے درگت ءَ گامگیج نہ زرتگ-