روکپتی بلوچستان ءِ جتا جتائیں جاھاں چارکس بیگواہ

روکپتی بلوچستان ءِ جتا جتائیں جاھاں چارکس ایرانی لشکر ءَ آوار جنگ ءَ پد بیگواہ کرتگ اَنت-

بیگواہ کنگ بیتگیں مردم ایرانشھر ءُ درگنبدن کاووس ءَ ایرانی لشکر ءَ آوار جتگ ءُ برتگ اَنت چریشی ءَ پد آوار جنگ بیتگیں مردمانی بارو ءَ دگہ ھال دیم ءَ نیتکگ اَنت-

گیشیں ھالانی رد ءَ گنبدکاووس ءَ ایرانی لشکر ءَ ھژدہ سالی ئیں سھیل خولیا ء علیرضا نامیں ورنایے آوار جتگ ءُ برتگ –

ھالانی تہ ءَ گوشگ بیتگ کہ سھیل ھکانی ھاتر ءَ توار چست کنوکیں مردمے بیتگ ءُ چریشی ءِ پژدر ءَ آ گرگ ءُ بند کنگ بیتگ –

ھمے وڑ ءَ ایرانشھر ءَ ھم سَے کس آوار جنگ ءَ بیگواہ کنگ بیتگ اَنت-

چہ ایرانشھر ءَ آوار جنگ بیتگیں مردمانی پجار سِی سالی ئیں ایرج طوقی، خداداد سرپرست شاہ ءُ آئی ءِ پت سعادت سرپرست ءِ ناماں زانگ بیتگ اَنت-

روکپتی بلوچستان ءَ آوار جنگ بیتگیں مردمانی یک نوکیں درچے ءِ بندات باز مردم گرگ ءُ بند کنگ بیتگ اَنت-

زانگ بہ بیت روکپتی بلوچستان ءِ تیابدپی شھر چھبار ءَ پولیس ءِ آپیسر ءِ دست ءَ بلوچ جنک ءِ گون ءَ زوراکی ءَ پد اود ءَ مردمانی زھرشانی گیش ود اتگ اَنت ءُ چریشی ءِ پژدر ءَ زاھدان ءَ بیتگیں زھرشانی ءَ ھم بازیں کساسے ءَ مردم کشگ بیتگ ات اَنت-