بلوچستان ءِ دمگ خضدار ءَ ناشناسیں مردماں تپراں گوں اُرش کُتگ ءُ زالبولے ءَ ھوار سئے مردم کُشتگ اَنت۔
وئیل خضدار ءِ ھنکین کرخ اکرو ءِ ھند ءَ یک شمبے ءِ سھب ءَ دیما اتکگ کہ اود ءَ جنینے ءَ ھوار سئے مردم کُشتگ بیتگ اَنت وھدیکہ اُرشکار چہ وئیل جاہ ءَ تچگ ءَ سوبمند بیتگ اَنت۔
لیویز اھوالانی گُشگ اِنت کہ ھنکین انگیر کنگ بیتگ ءُ اُرشکارانی پَٹ ءُ پول بندات کنگ بیتگ وھدیکہ وئیل ءِ پُشدر ءِ سوب داں انگت زانگ نہ بیتگ اَنت وھدیکہ جون گورنمنٹ ٹیچنگ نادراھجاہ ءَ سر کنگ بیتگ اَنت۔