بلوچستان ءِ دمگ ھاران ءَ گوستگیں شپ ءَ ناشناسیں سلاہ بندیں مردماں لوگے تہءَ پُترتگ ءُ تیرگواری کُتگ ءُ چار مردم کُشتگ اَنت وھدیکہ یکے ٹپی کُتگ۔
تیرگواری ءِ وئیل ھاران ءَ ڈیری فارم ءِ گورءَ دیما اتکگ، اھوالانی ردءَ ناشناسیں سلاہ بندیں مردماں شپ ءِ نیام ءَ ھاران شھر ءِ نزیک ءَ بستگیں شیخ سلیم احد تکاپی ءِ لوگءَ پُترتگ ءُ تیرگواری کُتگ، تیرگواری ءِ آماچ بئیگ ءَ چہ چار مردم مُرتگ اَنت وھدیکہ یکے ٹپی بیتگ۔
جون ءُ ٹپی سول نادراھجاہ ھاران ءَ برگ بیتگ اَنت، دو جونانی پجار شیخ سلیم احمد ء عبد السلام نگالی ، سعید اسلام ء امیر بخش ءُ ٹپی بیتگیں مردمے پجار داشاد ء عبدالغفور گرگناڑی ءِ نام ءَ چہ بیتگ۔ وھدیکہ ایندگہ دو جونانی پجار داں انگت نہ بیتگ۔
پولیس ءِ ردءَ المی کارانی کنگ ءَ پد جون کھولانی دستءَ دئیگ بیتگ اَنت۔ وھدیکہ پولیس ءِ وئیل درگت ءَ گُشگ اِنت کہ اَے درگت ءَ داں انگت ھچ گُشگ بیت نہ کنت بلے گیشتریں پَٹ پول برجاہ اِنت۔