ٹوئٹر ءَ بازیں کچے ءَ ملازمانی کشگ بندات کتگ

ٹوئٹر انتزامیہ ءَ وتی باسکاناں گوشتگ کہ آ وتی لوگاں بہ نند اَنت ءُ ادارہ ءِ نیمگ ءَ دیم دیگ بیتگیں ای میل ءِ ودار ءَ بہ کن اَنت-

ٹوئٹر ءَ ناوشیانی رکگ ءِ ھاتر ءَ آدینگ ءِ روچ ءَ وتی کارگس بند کتگ ءُ اسٹاپ ھم دارگ بیتگ اَنت-

ٹیسلا کار ءُ اسپیس ایکس کمپنیانی واھند ایلون مسک ءَ چل ءُ چار ارب ڈالر ءَ ٹوئٹر ءِ زورگ ءَ پد کمپنی ءِ اسٹاپ ءَ را بازیں کچے ءَ کٹ کنگ ءِ ارادو کتگ ءُ نی ھال اِنت آئی ءَ ملازمانی کشگ بندات کتگ-

اے وھد ءَ ٹوئٹر ءِ ملازمانی کچ کساس ھپت ھزار ءُ پنچ سد اِنت بلے ایلون مسک ءَ اے ملازمانی کچ سیمی بھر ءَ گیش کشگ لوٹ ایت-

جتا جتائیں کلوھانی توک ءَ سوشل میڈیا کمپنی ءَ وتی ملازمان ءَ را دیم دیگ بیتگیں یک ای میلے ءَ گوشگ بیتگ آدینگ ءِ روچ ءَ آیاں کشگ ءِ بارو ءَ سرپدی دیگ بیت اِنت-

ھبر رساں ادارہ روئٹرز ءِ رد ءَ پشمبے ءِ روچ ءَ ملازماں یک ای میلے سر بیتگ اے رائٹرز ءَ ھم دیستگ اے میل ءَ گوشگ بیتگ کہ ٹوئٹر یک شریں گامے ءِ نیمگ ءَ پسھی اِنت ءُ ما آدینگ ءِ روچ ءَ ما میان اُستمان اسٹاپ ءِ کٹ کنگ ءِ مشکلیں پیسلہ کنگ ءَ روگ ءَ ایں-

ٹوئٹر ءَ گوشتگ کہ ھر ھما ملازم ءُ آئی ءِ گون ءَ ٹوئٹر ءِ پھریزگ ءِ واستا ادارہ ءَ وتی درستیں کارگس بند کتگ اَنت ءُ کمپنی ءِ نیمگ ءَ شنگ بیتگیں کارڈ ءِ سر ءَ ٹوئٹر ءِ پتر ءَ آیگ ءُ اے سسٹم ءَ کارمرد کنگ ءُ کارمرد کنوکانی ڈیٹا ءَ سر بیگ بند کتگ اَنت-

ٹوئٹر ءَ گوشتگ کہ ھما ملازم کہ کشگ ءِ نیمگ ءَ نہ اَنت آیاں کارگس ءَ چہ ای میل ءِ اکاونٹ ءَ ھال دیگ بیت اِنت ءُ بلے ھر تکاں آیانی جند ءِ ای میل ءَ آیاں کلو دیگ بیت اِنت-

ٹوئٹر کشوکانی بارو ءَ ھچ رنگ ءَ کسی پسھو دار نہ اِنت-

اے درگت ءَ ھال ءِ سرپدی دو ھالشوناں رائٹرز ءَ گوں گوشتگ کہ ایلون مسک ءَ باسکاناں اے ھال داتگ کہ آ انفراسٹرکچر ءِ سالگشت ءِ کٹ ءُ کمائی ءَ یک اربے ڈالر ءِ بچینگ بہ کنت-

ایلون مسک ءَ ٹوئٹر ءِ زیرگ ءَ پد اولی ھپتگ ءَ کمپنی ءِ ملازماں بے اوستی ءُ نا امیتی شنگ بیتگ –

کمپنی ءِ ملازماں رائٹرز ءَ گوں گوشتگ کہ ٹوئٹر ءِ توک ءَ بیوکیں مٹ ءُ بدلیانی بارو ءَ سرپدیاں وتی کمپنی ءَ ابید میڈیا رپورٹس ءُ ڈنی مردماں سر بوگ ءَ اِنت-

رائٹرز ءَ رپورٹ ءَ گوشتگ کہ ٹوئٹر ءِ ملازماں ھنچش کہ آدینگ ءِ روچ ءَ کارگس ءِ بندش ءِ ھال ای میل کنگ ءَ پد ھما دمان ءَ یک دومی ملازماں رکست کنگ ءِ کلوہ روان داتگ لھتے ایلون مسک ءِ گون ءَ چیٹنگ ءَ اے چینل ءَ بھر زورگ ءِ دوات ھم داتگ –