موسمیاتی ءِ مٹ بیگ ءِ رکگ ءِ امل ءِ رد کنگ ءِ زمہ وار امریکہ اِنت – چین

چین ءَ گوشتگ کہ امریکہ موسمیاتی ءِ رد ءُ بدلی ءِ رکگ ءِ واستا جھدانی بیکاری ءِ آماچ بیتگ کہ چریشی ءَ آ زمہ واری منّگ لوٹ ایت-

برطانوی ھبر رساں ادارہ روئٹرز ءَ چین ءِ وزارت ءِ ھارجہ ءِ درشان ءِ درور دیان ءَ گوشتگ کہ موسمیاتی مٹ ءُ بدلی ءِ درگت ءَ سپارتکاری ءَ سیاسی ءُ سیمسرانی ناگیگی ءَ چہ جتا بوت نہ کنت ھمے چیزانی سبب اِنت آ راہ ءِ ڈنگر جوڑ بیتگ-

بازیں ڈیھانی رھشون مصر ءِ شھر شرم ءَ الشیخ ءَ مچ بیتگ اَنت میان اُستمانی تکاں موسمیاتی ءِ رد ءُ بدلی ءِ درگت ءَ گپ ءُ تران بیتگ اَنت اشانی توک ءَ دو مزنیں ڈیھانی میان ءَ دلگرانی ءَ ’سی او پی 27‘ برجاھیں ترس گوشتگ-

پیرس ءَ سال 2015 ءَ بیوکیں مسام ءَ واشنگٹن ءُ بیجنگ ءَ دسھت ءَ پد اُمیت ودی بیگ ءَ اے درچ ءَ گپ دیم ءَ شت کنت بلے امریکی ایوانِ نمائندگان ءِ اسپیکر نینسی پلوسی ءَ اگست ءَ تائیوان ءِ تر ءُ تاب ءَ پد چین ءِ گون ءَ گپ بند کتگ ات-

تائیوان چین ءِ ھمساھگیں ڈیھ اِنت چریشی ءَ چین وتی ملکت ءِ ٹاہ ءَ دنت بلے تائیوان وت ءَ وت واجھیں ڈیھے گوش ایت-

چینی وزارت ھارجہ ءِ جارکش ءَ پشمبے ءَ یک درشانے ءَ گشتگ ات چین ءُ امریکہ ءَ اشی ءَ پیش موسمیاتی مٹ ءُ بدل ءِ درگت ءَ وش تبیں رنگے ءَ پدر کرتگ ات دوشمبے ءَ داں مسام سرجم بیت اِنت بلے اے دوئیں نیمگانی سیادی ءَ جتا کنگ نہ بیت اِنت-

آئی ءَ گشتگ نینسی پلوسی ءِ تر ءُ تاب ماں تائیوان ءِ واتجواھی ءَ چین ءَ باز دردیگ بیتگ ءُ مئے گور ءَ گپ ءُ تران ءَ ابید دگہ ھچ پش نہ کپتگ-

وزارت ھارجہ ءِ جارکش ءَ گشتگ امریکہ اے جاورھالانی زمہ وار اِنت-

آئی ءَ گشتگ کہ چین دومی ڈیھانی گون ءَ گپ ءُ تران نہ داشتگ ءُ آئی ءِ گون ءَ موسمیاتی مٹ ءُ بدلی ءِ رکگ ءِ واستا بیوکیں گپ ءُ ترانانی بھر جوڑ بیت اِنت –

چین ءِ واھشت بیتگ کہ سی او پی 27 ءَ سوبمند بیتگ ءُ اشی ءَ ھوار ھوار دگہ پارٹیزانی گون ءَ رھوت ءِ واستا کمک کنت-

ماھرین سی او پی 27 ءِ درگت ءَ گیش پُر امیت نی اِنت پرچاکہ یوکرین ءِ سر ءَ روس ءِ اُرش ءَ ودی بوکیں اسرات ءَ ابید امریکہ ءُ چین ءِ انیگیں سیادی ءَ اے سوبمندی ءِ گمان ءَ گیش کم کتگ –

آسٹریلین نیشنل یونیورسٹی ءِ شعبہ کلائمیٹ اینڈ انرجی پالیسی ءِ ڈائریکٹر فرینک جوتزو ءِ گوشگ اِنت امریکہ ءُ چین ءِ نیمگ ءَ ھمسنتی ءِ درگت ءَ گیش ءُ گیواری ءِ نیمگ ءَ برگ ءَ گوست ءَ جوانیں کرد پیلو کرتگ –

پشمبے ءَ بیجنگ ءَ بریفنگ ءِ وھد ءَ دیمترا گوشگ بیتگ کہ امریکہ ءُ چین ءِ میان ءَ آ سیادی انگت ءَ جاڑیگ نہ اَنت ءُ پد ءُ بندات بیگ ءِ گمان گندگ ءَ نیت اِنت-