بلوچستان ءِ ضلع کیچ ءَ مروچی بیتگ دگ وئیل ءَ دو مردم بیران بیتگ اَنت-
سربوتگیں ھالانی رِد ءَ مروچی سُھب ءِ ساھت پنچ ءَ کلگ نزیک ءَ یل تیل کش ایں گاڑی یے تُرند روگ سبب ءَ ٹائر ترکّ اِتگ ءُ چپی بیتگ چریشی ءِ آسر ءَ گاڑی ءَ آس لگ اِتگ-
دمگی مردمانی رِد ءَ آس ساھت پنچ ءَ لگ اِتگ، میونسپل کارپوریشن تربت ءِ آس کشوکیں گاڑی (فائربریگیڈ ) شش ءُ نیم ءَ اود ءَ سر بیتگ بلے پٹرول لوڈ بیگ ءِ سبب ءَ گاڑی سرجم ءَ سُتکگ-
وئیل ءِ سبب ءَ گاڑی ءَ سوار دو مردم سُتکگ ءُ بیران بیتگ اَنت، بیران بیتگیں مردمانی پجّار پروم پنجگور مکد ءِ جھمنندیں جاسم ء عبدالحکیم ءُ ثناء ءِ دودا کانٹی کلگ پروم نام ءَ چہ بیتگ اَنت-