پسنی ءَ گیرکانودی ٹرالنگ ،دمگی دریاورد پہ نان چُنڈے چمدار اَنت

بلوچستان ءِ تیاب دپی شھر پسنی ءَ یکرندے پد ءَ گیرکانودی ٹرالنگ ءَ چہ دمگی دریاورد دلسیاھی ءُ لاپی مشکلانی دیمپان اَنت-

دریاورداں گْوشتگ کہ تیاب دپی شھر پسنی ءَ گیرکانودی ٹرالنگ ءِ دریاوردانی گر ءُ دار ءَ ھچ وڑ نہ منّ ایں-

آیاں گْوشتگ کہ ڈائریکٹر فشریز گوادر ءُ اسسٹنٹ ڈائریکٹر فشریز پسنی عبدالھادی پونز چیر ٹرالنگ مافیاء تیاب پسنی ءِ زِر ءَ لُٹ ءُ پُل کنگ ءَ اَنت- ھمگرنچیں ڈپارٹمنٹ ءِ نیمگ ءَ چہ پسنی ءِ زری ھاک ءَ سندھ ءِ ٹرالرز ءَ چہ ھُنرسازی کتگ ٹرالرز مافیا پسنی زری ھاک ءَ آرگ ءَ اَنت-

آیانی گْوشگ اِنت کہ مھمکہ فشریز پسنی ءِ اسٹنٹ ڈائریکٹر پسنی عبدالھادی ءُ ڈائریکٹر فشریز گوادر عبدالحمید بلوچ ءِ نیمگ ءَ زوت ٹرالرز مافیاء گر ءُ دار کنگ نہ بوت اَنت گڑا پسنی ءِ دریاوردانی نیمگ ءَ دو روچ ءَ پد پسنی زیرو پوائنٹ سر ءَ نندانک جنگ بیت-

چریشی ءِ زمہ وار ڈائریکٹر فشریز گوادر عبدالحمید بلوچ ءُ اسٹنٹ ڈائریکٹر فشریز پسنی عبدالھادی بیت-