بلوچستان ءِ سرکار ءِ ریوینو ڈپارٹمنٹ ءَ نوٹیفکشن شنگ کنان ءَ گوشتگ کہ بلوچستان ءَ یک دگہ نوکیں ضلعے گیش کنگ کنگ بیت اِنت، ضلع لسبیلہ چہ ھب چوکی جتا کنگ ءُ یک نوکیں ضلعے جوڑ کنگ بیت اِنت کہ آئی ءِ بنجاھی شھر ھب بیت اِنت-
نوٹیفکشن ءِ رد ءَ نوکیں ضلع ھب ءِ شھر، وندر، دریجی دمگانی سیمسراں ھوار بیت اِنت، گڈانی، ھب شھر، وندر، دریجی نوکیں ضلع ءِ تھسیل بنت – نوٹیفکشن ءِ سرجمی یک ستمبر ءَ بیت اِنت-
اے نوٹیفکشن ءَ پیسر ھب، وندر، تھسیلے ءِ رنگ ءَ ضلع لسبیلہ ءِ بھر بوتگ اَنت دریجی، گڈانء سب تھسیل ءِ رنگ ءَ لسبیلہ ءَ بھر بوتگ اَنت-
زانگ بہ بیت ات نوٹیفکیشن ءِ رد ءَ بلوچستان ءَ اضلاھانی کچ سی ءُ پنچ ءَ گیش بنت سی ءُ شش بنت –