بلوچستان ءَ برجاھیں وتکشی وئیل گوں تُرندی ءَ دیم ءَ آھگ ءَ اَنت، ھالانی رِد ءَ دگہ یک مردمے ءَ وتکشی کتگ-
چیزے روچانی تہ ءَ وتکشی کنوکانی کچ دہ ءَ سر بوتگ اَنت- وتکشی وئیل کیچ، پسنی، پنجگور ءُ نوشکی ءَ رپورٹ بوتگ اَنت-
سربوتگیں ھالانی رِد ءَ گوستگیں روچ ءَ کیچ نندوک مھیم ء آسمی نامیں مردمے ءَ وتکشی کتگ-
وئیل سوب زانگ نہ بوتگ، وھدے کہ اِھوالکارانی رِد ءَ اے مرد لشکر چیزے سال ءَ ساری آوار جتگ ءُ بیگواہ کتگ ، وھدے کہ یل بوگ ءَ پد آ نپسیاتی نادُراھی ءِ آماچ بوتگ-
زانگ بہ بیت بلوچستان ءَ بیگواھیں مردمانی جیڑہ یک بلاھیں جیڑھے وھدے کہ پوج دست ءَ ھمینچو مردم یل کنگ بیت آیانی درگت ءَ ھمے گْوشگ بیت کہ آ نپسیاتی نادُراہ جوڑ بنت-