روکپتی بلوچستان ءَ ایرانی لشکر ءَ دو ورناہ آوار جتگ ءُ گوں وت برتگ اَنت-
گیشیں ھالانی رد ءَ روکپتی بلوچستان ءِ دمگ زاھدان ءَ گوستگیں روچ ءَ دو کسان سالیں ورناہ آوار جتگ ءُ برتگ اَنت-
ھالانی تہ ءَ گوشگ بیتگ کہ ھردوکیں ورنایانی سیادی شاہ بکش ٹک ءَ اِنت زاھدان ءِ ھند نعمت آباد ءِ جھمنند اَنت –
آوار جنگ بیتگین عبدالرشید ءُ مھمد امین ءِ زھگ اَنت شاہ بکش ٹک ءَ اَنت ءُ نعمت آباد پیرسوران زاھدان ءِ نندوک اَنت – ھردوکانی امر سیزدہ سال ءُ چاردہ سال گوشگ بوگ ءَ اِنت-
ھالانی تہ ءَ گوشگ بیتگ کہ لشکریاں کوھی دمگاں تیرگواری ءَ پد نعمت آباد ءَ بیڑ برتگ ءُ اود ءَ ھردوکیں ورناہ گپتگ اَنت-
زھگانی آوار جنگ ءَ پد دمگ ءَ مردم برانز گپتگ اَنت ءُ پد ءَ لشکریاں گپتگیں مردم ناشناسیں زنداناں برتگ اَنت ءُ آیانی کھولاں یل کنگ ءِ لوٹ کتگ-
سال دوھزار ءُ بیست ءُ یک ءَ داں انیگ ءَ یک سد ءُ سِی ءُ نُھ کس ایرانی لشکر ءَ وھد وھد ءِ سر ءَ گپتگ اَنت کہ آیانی آ جتا جتائیں وئیلانی بھتام ءَ گرگ بیتگ اَنت-