ایشین کپ ءِ گوازی برجاہ اَنت مدامی دژمن پاکستان ءُ ھندوستان مروچی دیم پہ دیم بیتگ اَنت، پاکستان ءَ اولی بیٹنگ کُتگ ءُ 147 رنز ءِ سرءَ سرجمیں 19.5 بالزانی سرءَ آؤٹ بیتگ۔
متحدہ عرب امارات ءَ برجاھیں ایشین کرکٹ کپ ءِ مروچیگیں گوازی ءَ ھندوستان ءُ پاکستان دیم پہ دیم بیتگ اَنت، ھندوستان ءَ ٹاس کَٹ اِتگ ءُ اوّل ءَ بالنگ کنگ ءِ جار جتگ، پاکستان ءَ پیسرءَ بیٹنگ کنان ءَ 147 رنز کُتگ ءُ اننگز ءِ گُڈی بال ءَ پیسر سرجمیں ٹیم آوٹ بیتگ۔
چہ پاکستان ءِ نیمگ ءَ مھمد رضوان ءَ 43 ءُ افتخار احمد ءَ 28 رنز اڈ کُتگ، وھدیکہ ھندوستان ءِ بالرز بوانیشور کمار ءَ 4 ءُ ھاردک پانڈیا ءَ 3 وکٹ گپتگ۔
ھندوستان ءَ پاکستان ءِ 147 ءِ سر کنگ ءِ جھد ءَ پنچ وکٹانی تاوان ءِ سرءَ 19 می اؤور ءِ چارمی بال ءَ سرجمیں رنز اڈ کُتگ اَنت ءُ لئیب وتی نام ءَ کُتگ۔ ھندوستان ءِ نیمگ ءَ ویرات کوھلی ءُ رویندر جدیجا ءَ 35، 35 رنز اڈ کُتگ وھدیکہ ھاردیک پانڈیا ءَ 33 رنز اڈ کُتگ، وھدیکہ پاکستانی بالرزانی تہءَ مھمد نواز ءَ 3 ءُ نسیم شاہ ءَ 2 وکٹ گپتگ۔