معراج بلوچ ءَ سُھرچکیں دروت ندر کن آں- یو بی اے

یونائیٹڈ بلوچ آرمی ءِ جارکش مزار بلوچ ءَ شنگ کتگیں درشان تہ ءَ گْوشتگ کہ زامران بُنجل ءِ سیکنڈ کماندار معراج رستم جان پنّام ءِ حاکم بلوچ روکپتی بلوچستان ءَ وتی سیادانی گند ءُ نند ءَ شتگ کہ آ پاکستانی ءِ کرادار ایں کُشکاراں مروچی بلوچستان ءِ دمگ درگس ءَ پیسر ءَ بستگ ءُ شھید کتگ-

جارکش ءَ گْوشتگ کہ حاکم بلوچ راجی آجوئی ءِ جُھد ءَ چہ 2013 ءَ گوں بندوک بوتگ کہ اشی ءَ پد 2018 ءَ چہ یونائیٹڈ بلوچ آرمی ءِ پلیٹ فارم ءَ چہ زورگریں دُژمن ءِ بگیری ءَ چست ءُ ایر ئِے کتگ – حاکم بلوچ ءَ قلات شور پارود ءِ سنگراں ھم وتی راجی کرد پیلو کتگ ءُ چریشی ءَ پد گل ءِ نیمگ ءَ چہ مکران ءَ زامران بُنجل ءِ سیکنڈ بُنجل ءِ کماندار اوھدے ءِ سر ءَ کتگ – حاکم بلوچ یک نہ تُرس ءُ مھنت کنوکیں جُھدکارے بوتگ-

جارکش ءَ گْوشتگ کہ شھید حاکم جان ءِ شھادت ءِ درگت ءَ لھتے پروپیگنڈہ کنگ ءَ اَنت کہ چریشی ءِ ما گوں تُرندی ءَ رد کن ایں پروپگنڈہ کنوک ءُ شوبندی کرداں اے وڑیں کاراں چہ مکن کن ایں-

جارکش ءَ دیمتر ءَ گْوشتگ کہ شھید معراج رستم جان پنّام حاکم بلوچ ءَ را آئی ءِ راجی کرد ءُ شھادت سر ءَ سُھرچکیں دروت ندر کن ایں ءُ سرجمیں شھیدانی مشن ءَ سرجم کنگ ءِ ھاتر ءَ بلوچستان ءِ وتواجھی ءَ تاں گھگیری ءِ برجاہ دارگ ءِ اِھد ءَ کن ایں-