شاہ میر ویلفئر آرگنائزیشن ءِ نیمگ ءَ کمکی کار برجاہ

شاہ میر ویلفئر آرگنائزیشن ءِ کمکی ٹولی بلوچستان ءِ دمگ لسبیلہ لوئی ءِ بازیں میتگاں گوں راشن، گُد، کمبل، چادر ءُ زھگانی ھاتر ءَ بیسکوٹ ، ھُشکیں شیر ءُ ورگی آپانی ھمراھی ءَ سربوتگ انت –

گل ءِ نیمگ ءَ دل ءُ لاپ ءُ پوسٹ نادراھی ءِ درمان ھم بھر کنگ بوتگ انت –

دمگی مردمانی گوشگ انت کہ تنی وھدی پہ مئے کمک ءَ کس نہ اتکگ ءُ ما گل ءِ منت ءَ گِریں اے نگیگیں جاوراں اے میتگانی تہ ءَ اتکگ ءُ مئے کمک ءِ کُتگ اگاں نان ما ھنگت آپ لھڑ دیگ ءُ وتی زھگاں وارینگ ءَ اِت انت –

آھانی گوشگ ات کہ ھئور ءُ ھارانی سوب ءَ مئے گور ءَ ھمینچو ورگی سامان بوتگ آ آپ ءَ بُرتگ انت –

شاہ میر ویلفئر آرگنائزیشن ءِ زمہ دارانی گوشگ انت کہ مئے دومی کمکی کاروان زوت بلوچستان ءَ دیم دیگ بیت اِنت –