سر بیتگیں ھالانی رد ءَ روکپتی بلوچستان ءَ رودراتکی بلوچستان ءِ جھمنند ناشناسانی تیرگواری ءَ بیران بیتگ-
بیران بیتگیں مردم ءِ پجار معراج پنام ءِ ھاکم ءِ نام ءَ زانگ بیتگ کہ آ دشت بل کپکپار ءِ نندوک گوشگ بیگ ءَ اِنت-
تیرگواری ءِ وئیل روکپتی بلوچستان ءُ روداتکی بلوچستان ءِ سیمسری دمگ درگس ءَ پیش اتکگ کہ اود ءَ سلاہ بندیں مردمان تیرگواری کرتگ ءُ معراج کُشتگ-
زانگ بہ بیت گوست ءَ ھم رودراتکی بلوچستان ءَ بندوکیں مردم یکشل ءَ ھمے وڑ ءَ کُشگ بیتگ اَنت کہ آیانی کوش ءِ بھتام سیاسی پاٹیاں سرکاری پلامرزی ءَ پُرکاریں گل کہ آ گیشتر ڈیتھ اسکواڈ ءِ نام ءَ زانگ بیت انت ھماھی ءِ سر ءَ لڈ اتگ اَنت-
رودراتکی بلوچستان ءَ بازیں مردمے ءَ پوج ءِ بیڑ ءُ دگہ ناوشیانی سبب ءَ لڈ ءُ بار کرتگ ءُ روکپتی بلوچستان ءَ شتگ اَنت بلے اود ءَ ھم اے مردم رکگ بیگ ءَ نہ اَنت ءُ مرگ ءِ آماچ کنگ بیگ ءَ اَنت-