بلوچستان ءِ مستریں جیڑہ بیگواھیں مردمانی ئیگ اِنت – مشیر داخلہ بلوچستان

مشیر داخلہ بلوچستان میر ضیاء اللہ لانگو ءَ بیگواھیں مردمانی درگت ءَ گپ کنان ءَ گوشتگ اُستان ءَ ھستیں جیڑہ بیگواھیں مردمانی ئیگ اِنت – بیگواھیں مردمانی جیڑہ یکدم سنگین اِنت ءُ سنگینی رنگ ءَ اشی ءِ ٹپاسگ المی اِنت – اُستانی سرکار بیگواھیں مردمانی جیڑہ ءِ سر ءَ گامگیج زورگ ءَ اِنت-

مشیر داخلہ ءَ گوشتگ کہ سرکاری تکاں درستاں مستریں ءُ گچینی تاک جوڈیشل کمیشن اِنت – اے دیم ءَ آرگ بیتگ – اُستانی سرکار پُر امیت اِنت بیگواھیں مردمانی جیڑہ گیشینگ بیت اِنت آئی ءَ ٹاپار جتگ کہ بیگواھیں مردمانی کھولانی گوشگ ءَ جوڈیشل کمیشن جوڑ کنگ بیتگ چریشی ءِ سر ءَ بلوچستان ءِ سرکار گیشیں گامگیج زورگ ءَ اِنت اے جیڑہ زوت ءَ زوت گیشینگ بیت اِنت-

ضیاء لانگو ءَ ٹاپار جتگ کہ بیگواھیں مردمانی شوھاز ءِ واستا اولی روچ ءَ چہ سرکار گامگیج زورگ ءَ اِنت – جوڈیشل کمیشن ءِ آرگ ءَ اُستان ءِ سرکار گامگیج گچینی اَنت – انیگیں سرکار ءَ اولی مول ءُ مراد مھلوک ءِ جیڑھانی گشینگ اِنت وھدیکہ شھریانی مال ءُ جان رکینگ نہ بنت ءُ ما اشی ءِ سر ءَ گچینی گامگیج زرتگ-

مشیر داخلہ ءَ اے ھم گشتگ کہ مئے سیاسء جیڑہ ھم ھست اَنت ءُ زرکاری ھم، اے ھردوک یکے دومی ءَ گوں بندوک اَنت-