براس ءَ پاکستانی آرمی ءِ ھیلی کاپٹر ءِ دور دیگ ءِ زمہ واری منّ اتگ

بلوچ سلاہ بندیں گلانی ھمسنتیں بلوچ راجی آجوئی سنگر (براس) ءَ گوستگیں روچ ءَ پاکستانی آرمی ءِ ھیلی کاپٹر ءِ دور دیگ ءِ زمہ واری من اتگ-

رسانکدراں یک کسانوکیں درشانے ءَ جارکش بلوچ ھان ءَ گوشتگ بلوچ راجی آجوئی سنگر (براس) ءِ جنگولاں گوستگیں روچ ءَ بلوچستان ءِ دمگ وندر ءُ نورانی ءِ میانی کوھاں پاکستانی پوجی ھیلی کاپٹر نشانگ کتگ-

جارکش ءَ گشتگ سرجمیں درشان پد ءَ شنگ کنگ بیت اِنت-

زانگ بہ بیت گوستگیں روچ ءَ اوتھل ءَ دیم پہ کراچی ءَ روکیں پاکستانی آرمی ءِ ایوی ایشن ءِ ھیلی کاپٹر بیگواہ بیتگ-

پاکستانی اُرد ءِ جارکش ءِ رد ءَ ھیلی کاپٹر ءَ کورکمانڈر 12 کور لیفٹیننٹ جنرل سرفراز علی، ڈائریکٹر جنرل ڈی جی پاکستان کوسڑ گارڈ میجر جنرل امجد ءُ 12 کور انجینیئر بریگیڈیئر خالد، پائلٹ میجر سعید، کمکار پائلٹ میجر طلحہ ءُ کریو چیف نائیک مدثر سوار بیتگ اَنت-

ھزدار پولیس ءَ پاکستانی ھیلی کاپٹر ءِ چُنڈانی دزکپگ ءِ ھال راست کتگ –

ڈی آئی جی ھزدار پرویز عمرانی ءَ گوشتگ ھیلی کاپٹر ءِ چنڈ سسی پنو ءِ مانشجاہ ءِ نزیک ءَ موسیٰ گوٹھ ءَ دزکپتگ اَنت-