بلوچستان کیچ ءِ دمگ ءِ ھوشاپ ھنکین ءَ گوستگیں شپ ءَ ناشناسیں سلاہ بندیں مردماں پاکستانی پوج اُرشے ءَ نشانگ کتگ-
ھالانی رِد ءَ پاکستانی پوج ءِ چیک پوسٹ سر ءَ ھوشاپ تل ءِ ھند ءَ اُرش کنگ بوتگ، دمگی اھوالکارانی رِد ءَ اُرش وھد ءَ تراک ءُ تیرگواری توار ھم اِش کنگ بوتگ وھدے کہ اُرش ءَ پد اُرشکار ناشناسیں جاھے نیمگ ءَ تتکگ اَنت-
اُرش ءَ تاوانانی درگت ءَ سرکاری وکدارانی نیمگ ءَ ھچ پئمیں درشان دیم ءَ نیتکگ-
زانگ بہ بیت اشی ءَ ساری ھم اے دمگ ءَ بلوچ آجوئی لوٹوکیں سلاہ بندیں گلانی نیمگ ءَ پاکستانی پوج نشانگ کنگ بوتگ –
بلے تنی وھدے اے اُرش زمہ واری انگت ھچ گل ءَ نہ زرتگ-