گوادر پورٹ ءَ انٹری گیٹ ءَ سیکورٹی چوکی ءِ سر ءَ بیتگیں دزبمب ءِ تراک ءِ زمہ واری بی ایل ایف ءَ من اتگ

بلوچستان لبریشن فرنٹ ءِ جارکش میجر گوھرام بلوچ ءَ رسانکدراں شنگ کرتگیں درشانی ءَ گشتگ کہ گوادر پورٹ ءَ سیکورٹی ءِ واستا ھستیں پاکستانی پورسز ءِ سر ءَ بمب تراکے زمہ واری ءَ منّیں –

گوھرام بلوچ ءَ گشتگ کہ گوستگیں شپ ءِ ساھت نُھ ءَ سرمچاراں بلوچستان ءِ تیابدپی شھر گوادر ءَ پورٹ دگ ءَ ھستیں جی ٹی ءِ مین انٹری گیٹ ءَ سیکورٹی چوکی ءِ سر ءَ دزبمبے چگل داتگ –

آئی ءَ گُشتگ کہ پورٹ ءُ جی ٹی ءِ سیکورٹی ءِ واستا ھستیں پوجی چوکی ءَ بمب اُرش ءَ چہ یک کارندھے ھما دمان ءَ مرتگ-

بی ایل ایف ءِ جارکش ءَ گُشتگ کہ اُرش بیرک گولڈ کمپنی ءُ پاکستانی پوج ءِ سیکورٹی سر ءَ زوراکی ءُ وتی سرمایہ ءِ رکینگ ءِ واستا یک بیھارے پرچاکہ بیرک گولڈ کمپنی ءِ یک گچینی ءِ ٹولی ءِ اے روچاں گوادر ءَ آیگی اِنت آ ریکوڈک ءَ پد پاکستانی پوج ءِ گوشگ ءَ گوادر ءَ ھم زرکاری ءَ واھگ دار ایت-

گوھرام بلوچ ءَ گُشتگ کہ پاکستانی پوج بلوچستان ءَ وتی پُر پرستیں شوربندیاں ھمینکس سیکورٹی گیش بہ کنت بلے آ وتی مول ءُ مراداں سرجم بیت نہ کنت-