زیارت ءَ پوج گاڑی سر ءَ بمب تراکے بوتگ، سے کارندہ بیران ءُ ٹپی بوتگ اَنت-

بلوچستان ءِ دمگ زیارت ءَ ناشناسیں مردماں پوج گاڑی گوں بمب ءَ نشانگ کتگ-

سربوتگیں ھالانی رِد ءَ زیارت ءِ دمگ منگی ڈیم ءِ نزیک ءَ ناشناسیں مردماں پوج گاڑی گوں بمب اُرشے ءَ نشانگ کتگ چریشی ءِ آسر ءَ یک کارندھے بیران ءُ دو ٹپی بوتگ اَنت-

لیویز ءِ وئیل ءَ راست کُتگ ءُ گْوشتگ کہ بمب اُرش ءَ یک کارندھے بیران وھدے کہ دو ٹپی بوتگ اَنت، بیران بوتگیں کارندہ پجّار لانس نائیک کمر نام ءَ چہ بوتگ-

لیویز ءِ رِد ءَ اُرش نشانگ پاکستانی آرمی گاڑی بوتگ چریشی ءِ آسر ءَ گاڑی ءَ سک تاوان رستگ – ڈپٹی کمشنر زیارت ءِ رِد لیویز فورس وئیل جاہ ءَ نیمگ ءَ راہ داتگ اَنت-

زانگ بہ بیت یک سالے ءَ ساری ھمے ھند ءَ بوتگیں یک بمب تراکے ءَ سے لیویز کارندہ بیران بوتگ اَت-

اُرش زمہ واری انگت ھچ ءَ گل ءَ نہ زرتگ-