بلیدہ ءَ پاکستانی پوج ءِ سر ءَ بوتگیں اُرش ءِ زمّہ واری بی ایل ایف ءَ منّ اِتگ –

بلیدہ ڈلو ءَ پاکستانی پوج ءِ گوما میڑ ءَ سَے پوجی کارمند کُشتگ انت – میجر گوھرام بلوچ

بلوچ سلاہ بندیں گل بلوچستان لبریشن فرنٹ ءِ جارکش میجر گوھرام بلوچ ءَ رسانکدراں وتی شنگ کرتگیں درشان ءَ پاکستانی پوج ءِ سر ءَ بوتگیں اُرش ءِ زمّہ واری منّ اِتگ-

جارکشّ میجر گْوھرام بلوچ ءَ وتی درشان ءِ تہ ءَ گْوشتگ کہ سَے جولائی ءَ یکشمبے ءِ بیگاہ ءِ ادار چار ءَ  کیچ ءِ دمگ بلیدہ ءِ ھند ڈلو ءَ مئے سرمچاراں پاکستانی پوج ءِ پیادگیں ترءُتاب کنوکیں ٹولی ءَ گوں دیم پہ دیم بوتگ انت – ھمے میان ءَ یک میڑے بِندات بوتگ ءُ سرمچاراں گوں بھادُری ءَ جنگ داتگ ءُ دُژمِنیں پوج پد کنزینتگ –

آئی ءَ گوشتگ چہ اے میڑ ءَ پاکستانی پوج ءِ سئے کارمند مُرتگ ءُ بازینے زدگ بوتگ انت-

جارکش ءَ گڈسر ءَ وتی درشان ءِ تہ ءَ گوشتگ کہ دژمنیں پوج ءِ سر ءَ اے دابیں اُرش بلوچستان ءِ آجوئی ءَ تاں برجاہ مان انت –