ائید ءِ مکلاں تربت ءَ رؤکیں چار نودربر زورانسری آوار جنی ءَ پد بیگواہ

سربوتگیں ھالانی رِد ءَ گوستگیں روچ ءَ شال ءَ وانوکیں چار نودربر کہ ائید ءِ چُٹیاں وتی گِس ءَ روگ ءَ بوتگ انت راہ ءِ نیم ءَ زورانسری آوار جنگ بوتگ انت –

ھالانی رِد ءَ چاریں نودربر سی ٹی ڈی ءَ مستونگ ءَ چہ کوچ ءَ ایرگپتگ ءُ گوں وت برتگ انت –

گیشیں ھالانی رِد ءَ گوستگیں روچ ءَ بزاں سَے جولائی ءِ بیگاہ ءَ سی ٹی ڈی ءُ چیریں ادارھانی کارمنداں شال تاں مکران ءَ رؤکیں الرؤف کوچ مستونگ ءَ داشتگ، کوچ ءَ سواریں چار نودربر آوار جتگ ءُ گوں وت برتگ انت کہ چاریں نودربر شال تان تربت ءَ رؤگ ءَ بوتگ انت –

پوج ءِ دست ءَ آوار جنگ بوتگیں نودربرانی پجار جہانزیب بلوچ، عبدالنبی، طلال بلوچ ءُ رحمت اللہ ءِ ناماں چہ بوتگ انت –

زورانسری آوار جنگ بوتگیں نودربر بلوچستان ءِ دمگ کیچ ءِ نندوک انت کہ ھنو ائید ءِ چٹیاں گِس ءَ آھگ ءَ بوتگ انت –