دکی ءَ دمگی اشکر کھن ءَ زھرناکیں گیس پُر بوگ ءِ سبب ءَ یک کھنجنے بیران وھدے کہ یکے تُستگ-
ھسپتال ءِ رِد ءَ زھرناکیں گیس ءِ سبب ءَ بیران بوتگیں کھنجن ءِ پجّار شاہ محمد ء ملا فضل جھمنند اوگانستان ءِ نام ءَ چہ بوتگ ءُ تُستگیں کھنجن سول ھسپتال دکی ءَ برتگ ، بیران بوتگین ءِ لاش گیشیں چار ءُ ٹپاس ءَ پد لاش کھول ءَ داتگ-
زانگ بہ بیت بلوچستان ءَ گیشتر وھد ءَ اشکر کھناں وئیل دیم ءَ کاینت ھمے سال ءَ دوازدہ نزیک کھنجن وئیلاں بیران بوتگ اَنت وھدے کہ گوستگیں ماہ ءَ جتائیں کھناں وئیلانی آسر ءَ شش ءَ گیش پوریاگر ٹپی بوتگ اَنت –
پوریاگر گل اشکر کھناں اے وئیلاں آسراتی نہ بوگ نزورتریں اوزرانی سبب گوشتگ وھدے کہ وئیل نشانگ بوتگیں گیشتر پوریاگرانی سیادی اوگانستان ءُ دمگی مردم اَنت-
گلاں شکایت کتگ کہ اشکر کھنانی وئیلانی دْرچ برجاہ ءَ اِنت وھدے کہ انتزامیہ ءُ کھن واجکار نیمگ ءَ چہ اے وئیلاں گر ءُ دار ھاتر ءَ ھچ وڑیں گامگیج نہ زرتگ ءُ پوریاگر وئیلاں وتی کمک ءَ وت لاچار اَنت-