بولان ءَ پوجی چیک پوسٹ ءِ سر ءَ اُرش

بلوچستان ءِ دمگ بولان ءَ سلاہ بندیں مردماں پاکستانی پوج ءِ چیک پوسٹ ءِ سر ءَ اُرش کتگ-

اُرش بولان ءِ دمگ بی بی نانی ءَ پیش اتکگ کہ اود ءَ گوستگیں شپ ءَ سلاہ بندیں مردماں پوجی چیک پوسٹ ءِ سر ءَ اُرش کرتگ – اُرش وھد ءَ دمگ تراکاں جنزینتگ ءُ تیرگواریانی درچ بازیں وھداں برجاہ بیتگ-

دمگی مردمانی رد ءَ پوج ءَ دمگ انگیر ءَ کتگ ءُ اُرشکارانی پَٹ ءُ پول بندات کرتگ ءُ بلے آیاں دگہ دزگیری نہ رس اِتگ-

زانگ بہ بیت گوستگیں روچ ءَ ھرنائی ءِ دمگ چپر لفٹ ءَ سلاہ بندیں مردماں کنسٹرکشن کمپنی ءِ سر ءَ اُرش کرتگ اَت کہ اود ءَ جاڑیگیں چار مزدور کُشگ ءُ چار زدگ کنگ بیتگ اِت اَنت ءُ پنچ ءِ نزیک ءَ بیگواہ اَنت-

اے دمگ ءَ یک روڈی بند ءُ ساچی ءَ دزبند بیتگ اَنت اُرشکاراں کمپنی ءِ مشینری سوتک اَنت ءُ اُرش ءَ پد پوج ءَ دمگ ءَ پَٹ ءُ پول بندات کتگ بلے دگہ دزگیریانی ھال نیتکگ اَنت-

چریشی ءَ پیش شال ءِ دمگ زرگون ءُ کش ءُ گوری دمگاں بازیں کچے ءَ پاکستانی پوج ءِ لشکر کشی برجاہ اِنت ءُ دمگ ءَ لشکر کشی ءِ سبب ءَ آبادی اسرمند بوگ ءِ ھال آیگ ءَ اَنت-