کچی: تراکناکیں شوروانی ترکگ ءَ دو مردم زدگ

سربوتگیں ھالانی رِد ءَ کچی ءِ دمگ شوران ءُ گنداواہ دگ ءِ سرا تراکناکیں شوروانی ترکگ ءَ دو پرپٹ سوار زدگ بوتگ انت –

گیشیں ھالانی رِد ءَ شوران ءُ گنداواہ ءِ دگ ءِ سرا تراکناکیں شوروانی ترکگ ءَ دو پرپٹ سوار سک زدگ بوتگ انت – دمگی پھازداراں وت ءَ وئیل جاہ ءَ سر کتگ ھردو زدگیں مردم درمان کُتگ ءُ نادراہ جاہ ءَ سرکتگ انت –

تراک ءَ گیشتریں تاوان ءِ ھال نیست

دومی نیمگ ءَ بلوچستان ءِ دمگ ڈیرہ بگٹی سنگسیلہ ءَ ناشناسیں سلاہ بندیں مردماں دگ جوڈ کنوکیں کمپنی ءِ مشینری مانداشتگ انت چریشی ءَ پد دگ جوڈ کنگے کار اوشت ءِ آماچ بوتگ –

واکدارانی گوشگ انت کہ اے وئیلانی سوب تنی وھدی زانگ نہ بوتگ، پولیس گیشیں پٹ پول کنگ ءَ انت –