ھوشاب چیریں ادارگانی کارمنداں بلوچ زالبولے بیگواہ کُتگ، مھلوک ءَ شھدگ بند کُتگ ءُ زھرشانی کنگ ءَ اَنت۔
دی بلوچستان پوسٹ اھوال پتر ءَ سر بیتگیں ھالانی رد ءَ بلوچستان ءِ کیچ دمگ ءِ ھوشاپ ھنکین ءَ پھازگی لشکریاں گوستگیں شپ ءَ لوگے ءِ سر ءَ بیڑ بُرتگ ءُ نورجان نامی زالبولے آوار جنی ءَ پد بیگواہ کُتگ۔
اھوالانی رد ءَ نورجان لوگ بانک فضل بلوچ گوستگیں شپ ءَ سی ٹی ڈی آوار جتگ ءُ بُرتگ ءُ داں انگت آئی درگت ءَ ھچ پئیمیں اھوال دیما نئیتکگ۔
نورجان ءِ زورانسری بیگواھی ءَ پد ھوشاپ ءِ مھلوک ءَ سی پیک دگ بند کُتگ زھرشانی کنگ ءَ اَنت زھرشانی کنوکانی تہءَ مزنیں کساسے بلوچ زالبولانی اِنت۔
نورجان ءِ بیگواھی درگت ءَ چاگردی رسانکدراں ھم مردم توار چِست کنگ ءَ اَنت ءُ اِشی ءَ بلوچ راجے ھلاپ ءَ ڈیھہ زوراکی نامینگ ءَ اَنت۔
پاکستان ءِ مزن نامیں اھوالکار حامد میر ءَ اے درگت ءَ ٹوئیٹ کنان ءَ گُشتگ کہ پرچہ یک زالبولے آھاں ابید چہ آمید گِس ءِ پرمان ءَ چِست کُتگ ؟ پرچہ زالبول پولیس تھانہ ءَ پہ جُست ءُ پرس لوٹارینگ نہ بیتگ؟