چہ بلوچ پُسّگانی رِتکگیں ھون آں آجوئی ءِ جنز سیراپ بوھگ ءَ اِنت۔ مرید بلوچ
25 مارچ ءَ ناگاؤ کلات ءُ سیوی ءِ کوھی دمگاں اِستان ءِ لشکرکشی ءِ میان ءَ مئے سرمچارانی گشتی ٹولی ءِ دیم پہ دیمی گوں زورگریں پوج ءَ بوتگ۔ کہ ھمے میڑ ءَ بازیں پوج کارندھے کشگ بوتگ ۔
جارکش ءَ دیمتر ءَ گوشتگ کہ آ دگہ سنگتانی چہ لشکر ءِ انگِر ءَ در کنگ ءِ ھاتر ءَ سنگت الہی بخش سنگر بند بوتگ۔ سنگتانی چہ پوج انگِر ءَ پہ سلامتی درآھگ ءَ پد داں یک کلاکے ءَ گوں دژمن ءَ جنگے کتگ۔ ءُ چہ ایشی پد ورناہ الہی بخش پنام ملنگ ء تورکیل جھمنند سیوی ڈھاڈر نمیران بوتگ۔ ورنا ایں الہی بخش چہ 2009 ءَ گوں راجی سلاہ بندیں جھدءَ ھمگرنچ بوتگ۔آئی ءَ شال ، کلات ، سیوی، بولان ءُ دگہ بازیں جنگی پِڑاں زورگر ءِ بگیری ءَ جوانیں کردے پیلو کتگ۔ آ یک دلیر ءُ سرڈگار ءِ راستیں پُسّگے بوتگ۔ شھیدءَ “شھدائے زھم جَن “ءِ ستاھی نام ءَ ندر کنگ ءِ جار ءَ جن ایں۔ گل آئی ءِ دیمونی ءِ درگت ءَ اے کؤل ءَ کنت کہ زورگر ءِ بگیری ءَ سلاہ بندیں جھد ءَ گیش ترندی کئیت ءُ ورناھانی رتکگیں ھون سرڈگار ءِ جھد ءَ سیراپ کن اَنت۔
گرابھائیں دیمونیانی اے دْرچ داں بلوچستان ءِ آجوئی ءَ روان کنت۔