بلوچستان ءِ دمگ کیچ ءَ چہ پاکستانی لشکریانی دستءَ بیگواہ بیتگیں چار نودربرانی زورانسری بیگواھی ءُ یل نہ بئیگ ءِ بگیری ءَ کھول ءَ زھرشانی کنان ءَ تُربت شال سی پیک دگ بند کُتگ۔
کھول ءِ ردءَ بیگواہ کنگ بیتگیں چاریں ورناہ نودربر اَنت کہ لشکریاں دزگیر کنگ ءَ پد بیگواہ کُتگ اَنت۔ بیگواہ بیتگیں ورناھانی تہءَ شفیع ء دلبر، نعیم ء رحمت، غلام جان ء صالح محمد ءُ اکبر ء ماسٹر اسلم ھوار اَنت۔
کھول ءِ ردءَ اے چاریں ورناہ لشکریاں گوستگیں ماہ ءَ ھما وھدءَ دزگیر کنگ ءَ پد بیگواہ کنگ بیتگ اَنت وھدیکہ آ شھدربرجاہ ءَ روگ ءَ بیتگ اَنت وھدیکہ آھانی درگت ءَ ھچ پئیمیں اھوال دیگ ءَ نہ اَنت کہ آ کجا اَنت ءُ چونیں جاورانی تہءَ اَنت۔
آھاں لوٹ کُتگ کہ اے چاریں نودربر زوت ءَ زوت یل کنگ بہ بنت۔