دی بلوچستان پوسٹ اھوال پتر ءَ سربوتگیں ھالانی رِد ءَ تمپ ءِ دمگ گومازی ءَ دو ماہ ساری پاکستانی پوج ءِ دست ءَ زورانسری آوار جنگ بوتگیں ورنا شعیب چہ تُربت ءِ بنجاھی بنجل ءَ یل بوتگ ءُ وتی گِس ءَ سر بوتگ –
اھوالانی رِد ءَ پاکستانی پوج ءَ سینزدہ جنوری ءِ شپ ءِ ادار سَے ءَ ابراھیم ءِ گِس ءِ سر ءَ بیڑ برتگ ءُ شعیب ء ابراھیم زورانسری آوار جتگ ءُ گوں وت بُرتگ کہ مروچی تربت ءَ پاکستانی پوج ءِ بنجاھی بُنجل ءَ چہ یل بوتگ ءُ وتی گِس ءَ سربوتگ – شعیب بلوچ ءِ کھول ءِ مردماں ھم آئی ءِ یل بوھگ ءِ ھال راست کُتگ –
اھوالکار ءِ رِد ءَ شعیب بلوچ ءِ ھمراھی ءَ منیر ءُ دگہ چار مردم ءِ یل بوھگے ھال اِنت بلے آ تنی وھدی وتی گِساں سر نہ بوتگ اَنت ءُ آھانی سرجمی ءَ پجار نہ بوتگ ءُ ناکہ آھانی کھول ءِ نیمگ ءَ چشیں ھال ءِ شنگ کنگ بوتگ –