سربوتگیں ھالانی رِد ءَ پاکستان ءِ چیریں ادارھانی کارمنداں علامہ اقبال شھدربرجاہ تربت ءِ کارکنوکیں ورنا ءِ زورانسری آوار جتگ ءُ بیگواہ کتگ –
ھالانی رِد ءَ تربت شھدربرجاہ ءِ چپراسی شفیق احمد ء دلدار گوستگیں روچ ءَ نیم بیل ءِ وھد ءَ سلاہ بندیں مردماں تربت ءِ بازار ءَ چہ زورانسری آوار جتگ ءُ گوں وت برتگ –
شفیق احمد بنکی ءَ کیچ ءِ دمگ شاپُک ءِ جاھمنند انت ءُ آئی ءَ سَے سال بیت کہ علامہ اقبال اوپن شھدربرجاہ تربت ءَ چپراسی ءِ کار انت –
دمگی مردمانی رِد ءَ شفیق گوستگیں روچ ءَ نیم بیل ءِ وھد ءَ تربت ءِ بازار ءَ ھجام ءِ دکان ءَ پاکستانی پوج ءُ چیریں ادارھانی کارمنداں آوار جتگ ءُ بیگواہ کتگ کہ تنی وھدی بیگواہ انت –