کلات ءَ موبائیل ٹاور ءِ سر ءَ اُرش ءُ ریاستی کارمند ءِ کوش ءِ زمّہ واری بی ایل اے ءَ منّ اِتگ انت –

بلوچ آجوئیں لوٹوکیں سلاہ بندیں گل بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ کلات ءَ ریاستی کارمند ءِ کوش ءُ موبائیل ٹاور ءِ تباہ کنگ ءِ زمّہ واری منّ اِتگ انت –

جارکش جئیند بلوچ ءَ وتی درشان ءِ تہ ءَ گوشتگ کہ مئے سرمچاراں کلات ءِ دمگ نرمک ءَ پاکستانی پوج ءُ چیریں ادارھانی دمگی کارمند شفیع محمد لہڑی جاھمنند اناری، نرمک تیرباران کتگ ءُ کُشتگ – اے مرد ءَ دشمن پوج ءِ گوشگے پد ءَ بلوچ سرمچارانی چاریگری، پوجی لشکر کشیاں دژمن ءِ کمک ءُ دمگی مردمانی آوار جنی ءُ بیگواہ کنگ دست مان بوتگ، ھمے کتکاریانی سوب ءَ مرگ ءِ سزا دیگ بوتگ –

جارکش ءَ دیمتر ءَ وتی درشان ءِ تہ ءَ گوشتگ مئے سرمچاراں کلات ءِ دمگ جوہان گزک ءَ برجاھیں موبائیل ٹاور ءِ ھم تباہ کتگ، اے ٹاور گوستگیں سال ءَ ھم سنتیں گل ءِ سرمچاراں ھم تباہ کتگ بوتگ بلے دژمن ءَ وتی مپاداتانی ھاتر ءَ اے ٹاور پدا پھال کتگ –

جارکش ءَ گڈسر ءَ وتی درشان ءِ تہ ءَ گوشتگ کہ مئے گل بی ایل اے ھردو اُرشانی زمّہ واری ءَ منیت ءُ مئے اُرشانی درچ بلوچستان ءِ آجوئی ءَ تاں یکشل ءَ برجاہ مان انت –