اسپینش لالیگا فٹبال لیگ ءُ پریمئیر لیگ گوازی برجاہ

اسپینش لالیگا فٹبال لیگ ءُ پریمئیر لیگ فٹبال گوازی برجاہ انت ءُ دوشی شپ لالیگا ءِ ھشت ٹیمانی میان ءَ گوازی کنگ بوتگ کہ آھانی تہ ءَ اوساسونا، اسپینیول ، ویلنسیا ءُ رئیل میڈریڈ گوازی کٹ اِتگ انت ءُ دومی نیمگ ءَ پریمئیر لیگ ءَ چاردہ ٹیمانی میان ءَ گوازی کنگ بوتگ انت کہ آھانی تہ ءَ لسسٹر سٹی، چلسیا، آسٹون ویلا، برینٹ فورڈ، نیوکاسٹل، کرسٹال فلیس ءُ لیورپول ءَ گوازی کٹ اِتگ انت –

شمبے ءَ بوتگیں پریمئیر لیگ ءِ فٹبال گوازی ءَ لیسسٹر سٹی ءَ لیڈز یونائیٹڈ دیم یک گولے، چلسیا ءَ برنلی دیم ءَ چار ، آسٹون ویلا ءَ ساؤتھ ایمپتون دیم ءَ ھم چار، برینٹفورڈ ءَ نارویچ سٹی ءِ دیم ءَ سَے پہ یکے ءَ، نیوکاسٹل ءَ برائیٹون ءِ دیم ءَ دو پہ یکے ءَ، کرسٹال ءَ ولووز ءِ دیم ءَ دو ءُ لیورپول ءَ ویسٹ ہام ءِ دیم ءَ یک گولے ءَ گوازی کٹ اِتگ –

ھمے وڈ اسپینش لیگ لالیگا ءَ دوشی بوتگیں اولی گوازی اوساسونا ءُ وئلرئل میان ءَ بوتگ کہ اوساسونا ءَ یک گول ءَ گوازی کٹ اِتگ وھدیکہ وئلرئل نیمگ ءَ چہ ھچ گول اسکور کنگ نہ بوتگ – اوساسونا ای.اویلا ءَ گول اسکور کتگ گوازی وتی ٹیم ءِ نام ءَ کتگ –

دومی گوازی اسپینیول ءُ گیٹفے ءِ میان ءَ بوتگ کہ اسپینیول ءَ دو گولاں چہ گوازی کٹ اِتگ – اسپینیول ءِ نیمگ ءَ چہ اولی گول ایل. کیبریرا ءَ دومی ای. کیباکو ءَ داتگ انت –

لالیگا لیگ ءَ ویلنسیا ءُ گرانادا ءِ میان ءَ بوتگیں سیمی گوازی ءَ ویلنسیا ءَ سَے پہ یک گول ءَ گوازی کٹ اِتگ – گرانادا ءِ نیمگ ءَ چہ یک گول ءِ اسکور کنگ بوتگ کہ لیبی ایچ.گویلامون ءَ داتگ وھدیکہ ویلنسیا ءِ لیبی گونکالو، ایم گومس، سی.سولِر ءَ یک یک گول ءِ اسکور کتگ گوازی وتی ٹیم ءِ نام ءَ کتگ –

دوشی شپ بوتگیں رئیل میڈریڈ ءُ رئیل سوسائیڈ میان ءَ بوتگیں چارمی گوازی ءَ رئیل میڈریڈ ءَ چار پہ یک گول ءَ گوازی کٹ اتگ – رئیل سوسائیڈ نیمگ ءَ چہ یک گول ءِ اسکور کنگ بوتگ کہ لیبی ایم. اویار داتگ وھدیکہ رئیل میدریڈ ءِ لیبی ای.کیماونگا، مودریک، کے.بنزیما، ایم. اسنسیو ءَ یک یک گول ءِ اسکور کتگ گوازی وتی کلب ءِ نام ءَ کتگ –