پاکستان ءِ نیمگ ءَ دیگ بیگیں گَلہ ورگ ءِ واستا شر نہ اَنت- اوگان سرکار

اوگانستان ءِ سرکار ءِ نیمگ ءَ شنگ بیتگیں یک نوکتریں درشانے ءِ رد ءَ اوگانستان ءَ را پاکستان ءِ نیمگ ءَ دیگ بیتگیں گَلہ ورگ ءِ واستا شر نہ اَنت ءُ بے مُدت اَنت-

اوگستان ءِ سرکار ءِ باسکے ءَ اوگان رسانکدراں گوں گپ کنان ءَ گُشتگ پاکستان ءِ نیمگ ءَ دءگ بیتگیں پنجاہ ھزار ٹن گلہ کہ کمکی رنگ ءَ اوگانستان ءِ سرکار ءَ دیگ بیتگ اَنت راستی ءَ آ بے مُدت اَنت پاکستان ءِ سرکار ءِ نیمگ ءَ دیگ بیتگیں گَلہ ورگ ءِ قابل نہ اَنت-

زانگ بہ بیت اے وھد ءَ اوگانستان ءَ ورگ ءُ دگہ آسراتیانی مزنیں جنجالانی دیمپانی اِنت چریشی ءَ اوگانستان ءِ نوکیں سرکار کمکی دروشم ءُ کنٹرول کنگ ءِ جھد ءَ اِنت بلے طالبان ءِ سرکار ءِ ھمساھگیں ڈیھانی نیمگ ءَ تلبداری ءِ کمک نہ رس اتگ-

دومی نیمگ ءَ پاکستان ءَ اے ٹاہ داتگ مئے سرکار ءَ گرانھادیں ءأ نوکیں گَلہ یکجاہ کرتگ ءُ ھمساھگیں ڈیھ اوگانستان ءَ ورگ ءِ نہ بوگ ءِ سبب ءَ پہ کمک تالبان ءِ سرکار ءَ داتگ اَنت بلے اوگانستان ءِ سرکار اے کمک ءَ وش نہ اِنت-

اوگانستان ءِ سرکار ءِ رد ءَ پاکستان ءَ اتکگیں کمکی گَلہ بے مدت اَنت ءُ چریشی ءَ اے کارمرز کنگ نہ بنت-

اوگانستان ءِ نوکیں سرکار ءَ بازیں جنجالاں وتی امبازاں زرتگ دومی نیمگ ءَ امریکہ ءِ نیمگ ءَ اوگانستان ءَ را ڈنی ڈیھ ءِ بینک اکاؤنٹس بند کنگ بیتگ اشی ءَ پیسری سرکار ءَ ھندوستان ءِ بیوکیں زرکاری ھم نِی دارگ بیتگ ءُ ھندوستانی سرکار ءِ نیمگ ءَ بند کنگ بیتگ-