کچھی ءَ نندانک ھلاس، کسانسالیں جنکو بیران

بلوچستان ءِ دمگ کچھی ءَ پنچ شمبے ءِ روچ ءَ سدانی کچ ءَ مردماں دومی روچ ءَ ھم نندانک جتگ ءُ زھرشانی کتگ چریشی ءَ سوب ءَ سندھ بلوچستان ءِ شاھدگ دومی روچ ءَ ھم بند بوتگ –

دی بلوچستان پتر ءَ سربوتگیں ھالانی رِد ءَ ھزارانی کچ ءَ مساپر نندانک ءَ سوب ءَ دیم شُوت نہ بوتگ انت وھدیکہ کسان سالیں جنکو ءِ بیران بوتگ –

اھوالکار ءِ رِد ءَ نادراھیں جنکو ءَ پہ الاج ءِ ھاتر ءَ شال ءَ برگ ءَ بوتگ انت کہ نندانک ءِ سوب ءَ آھاں دیم ءَ شُت نہ کُتگ پمیشکہ بیران بوتھ بلے دومی نیمگ ءَ زھرشانی کنوکانی گوشگ انت کہ اے پروپکنڈہ ءُ جنکو ءِ بیرانی ءِ ھبر دروگے –

یات بہ بیت کہ اعوان گوٹھ ءِ وئیلے بگیری ءَ کچھی بولان ءِ دمگ وئیر ڈھاڈر ءَ زھرشانی کنگ ءُ دگ بند کنگ بوتگ چریشی ءَ سند ءُ بلوچستان نیشنل ہائی وے دو روچاں چہ بند بوتگ –

زھرچانی کنوکاں ھمے لوٹ کتگ بوتگ وئیل ءَ کتکاریں مردم دزگیر کنگ بہ بنت اگاں ناں زھرشانی برجاہ بیت اتنت –

یات بہ بیت بلوچستان ءِ دمگ کچھی ءَ گوستگیں سال ءَ دوازدہ نومبر ءَ تیرگواری ءِ وئیل ءَ اعوان ٹک سیادی داروکیں پنچ مردم کُشگ بوتگ کہ آئی ءِ ارزی بلوچستان اسمبلی ءِ گوستگیں باسک ءُ ھستیں وھد ءَ باپ ءِ رھشون عاصم کرد گیلو نام ءَ نبشتہ انت –

دومی نیمگ ءَ یار محمد رند ءَ رسانکدراں گون گپ جنان ءَ گوشتگ کہ باند ءَ اسمبلی ءِ ڈن ءَ زھرشانی کنگ بیت ءُ ڈھاڈر ءِ زھرشانی کنوک ھم مئے ھمراھی ءَ بلوچستان اسمبلی ءَ کائینت –

آئی ءَ گوشتگ کہ سوبائی سرکار اعوان گوٹھ ءِ کُشندھانی دزگیری ءَ بے سوب انت –

نوکتریں ھالانی رِد ءَ ڈھاڈر ءِ زھرشانی ھلاس کنگ بوتگ ءُ باند ءَ بلوچستان اسمبلی ءَ زھرشانی کنگ بیت انت –