شال: میڈیکل نودربرانی زھرشانی سر ءَ پولیس ءَ لٹ شاپ کتگ

بلوچستان ءِ بنجاھی شھر شال ءَ مروچی پنچ شمبے ءِ روچ ءَ پولیس ءَ وتی ھکانی لوٹگ ءِ ھاتر ءَ زھرشانی کنوکیں میڈیکل نودربر ریڈ زون ءِ تہ ءَ رؤگ ءَ داشتگ انت ءُ لٹ شاپ کرتگ انت کہ پد ءَ نودربراں کمشنر کارگس ءِ دپ ءَ نندانک جتگ ءُ زھرشانی کُتگ –

شال ءَ میڈیکل نودربراں وتی لوٹانی ھک ءَ شدکشیں زھرشانی کُتگ ایندگہ نودربر شدکشیں زھرشانی نشتگیں نودبراں اسٹیچرز ءَ ھوار ریڈ زون ءَ برگ لوٹ اتگ کہ پولیس ءَ آ داشتگ انت ءُ لٹ ءُ کُٹ کتگ انت-

زھرشانی کنوکاں پولیس ءُ واکدارانی بگیری ءَ نارہ ھم جتگ ءُ کمشنر ءِ کارگِس ءِ دپ ءَ ننداک جتگ ءُ زھرشانی کتگ –

زھرشانی کنوکانی دارگ ءِ ھاتر ءَ دگہ پولیس اتکگ ءُ ھمے جاہ ءَ سربوتگ کہ ھردو نیمگاں گر ءُ چِل بندات بوتگ – بلے انگت نودربرانی زھرشانی برجاہ انت –

زھرشانی کنوکیں نودربران لوٹ کتگ کہ پاکستان میڈیکل کونسل بلوچستان ءِ سَے میڈیکل کالجانی نودربراں رجسٹر بہ کنت –

بلے پدا ھم پی ایم سی ءِ اے درگت ءَ ھمے گوشگ انت کہ اے رجسٹریشن یک ٹیسٹ ءِ پد کنگ بنت کہ نودربر اشی ءِ منوگر نہ انت –

دومی نیمگ ءَ دو روچ ساری پاکستان میڈیکل کونسل ءِ اجلاس ءِ اسلام آباد ءَ بوتگ اجلاس بلوچستان میڈیکل نودربرانی رجستریشن درگت ءَ گپ جنگ بوتگ ءُ اجلاس ءِ کاروائی شریں حوصلہ گوشگ بوھگ انت بلے پدا ھم میڈیکل نودربر لوٹ انت کہ پیسلھانی سر ءَ گامگیج زورگ بہ بیت –