جھاؤ ءَ پوج ءِ سر ءَ اُرش ءُ میڑ ءَ پنچ پوجی کارندہ کشتگ اَنت – بی ایل ایف

بلوچستان لبریشن فرنٹ ءِ جارکش میجر گوھرام بلوچ ءَ آواران ءَ پاکستانی پوج ءِ سر ءَ بیتگیں اُرش ءِ زمہ واری منّ اِتگ –

بی ایل ایف ءِ جارکش ءَ گُشتگ نُھ فروری ءَ سرمچاراں جھاؤ زیلگ ءَ پوجی چوکی اسنائپر ءِ گون ءَ اُرش کرتگ ءُ یک کارندھے کشتگ –

میجرگوھرام بلوچ ءَ گوشتگ اے اُرش ءَ پد پوج ءَ سرمچارانی رندگیری کرتگ ءُ ھمے میان یَ سرمچاراں زیلگ کور ءَ لشکر ءِ سر بستگ ءُ اُرش کرتگ-

جارکش ءَ گوشتگ اے اُرش داں دو اداراں برجاہ بیتگ ءُ چریشی ءَ پوج ءِ چار کارندہ مرتگ ءُ بازینینے زدگ بیتگ اَنت-

بی ایل ایف ءِ جارکش ءَ گوشتگ کہ پوج ءَ جانی تاواناں پد زورگریں پوج ءِ کمک ءَ گن شپ ھیلی کاپٹر سر بیتگ اَنت ءُ چریشی ءَ پد سرمچاراں پوج پشتکنزی ءَ لاچار کرتگ ءُ مھکمیں جاھاں سلامتی ءَ سر بیتگ اَنت –

جارکش ءَ گُشتگ پوج ءِ سر ءَ اے وڑیں اُرش بلوچستان ءِ آجوئی ءَ داں برجاہ بنت –