سند ءِ مزن شھر کراچی ءَ پریس کلب ءِ دیم ءَ بیگواھیں مردمانی پانکجنیں گل وائس فار بلوچ مسنگ پرسنز ءِ شھرشانی برجاہ، زھرشانی مروچی چار ھزار ءُ پنچ سد ءُ ھشتاد ءُ چار روچ سرجم بوتگ – ایچ آر سی پی سوبائی چیئرپرسن خغر، کونسل باسک سعید بلوچ ءُ بلوچ یکجھتی کمیٹی ءِ ڈپٹی کنونیر عبدالوہاب بلوچ بنجل ءَ اتکگ ءُ بیگواھیں مردمانی کھول ءِ گوم ءَ دلپدردی درشانتگ –
ھمے وھد ءَ وی بی ایم پی ءِ رھشون ماما قدیر بلوچ اتکگیں مردمانی میان ءَ تران کنان ءَ گوشتگ کہ تاں ھما وھد ءَ بلوچ راج وتی دوستیگیں مردمانی یل کنائینگے ھک ءَ گپت مہ کناں گڈا ھک ءِ تقاضہ کنگ میاں استمانی اخلاقیات اعلی انسانی جمہوری مردمانی چپ نہ انت – اگاں کسے اے گیر کانودی، گیر انسانی گیر جمہوری امل ءَ کنگ انت گڈا ریاست انت کہ اشانی ھکاں پچ گرگ انت ءُ جھد کنوکاں تاکت زور ءَ لگتمال کنگ ءَ اِنت – بلے ادا دراہ چَپ انت پرچاکہ راستی ءِ منّگے ھاتر ءَ بلوچ راج ءِ ھونیگ ءُ آئی ءِ سر ڈگار ءِ مال مڈیانی سر ءَ کبزہ کنوکاں وتی زوراکی ھلاس کنگی انت کٹھرہ اوشتگی ءُ جواب دئیگی انت –