پنجگور ءُ نوشکی ءَ زورانسری ءُ بے کانودی کُشتکاری ءِ دْرچ ءَ بند بہ کن اِت- بلوچ یکجھتی کمیٹی

بلوچ یکجھتی کمیٹی ءِ جارکش ءَ پنجگور ءُ نوشکی ءَ پوج نیمگ ءَ بے میاریں مردمانی کُشت ءُ کشاری ءُ زورانسری آوار جنی ءَ ایر جتگ ءُ گْوشتگ کہ گوستگیں روچاں بوتگیں وئیل ءَ پد پنجگور ءَ یکجاھی سزا ءَ ئے دروشم ءَ مردماں نشانگ کنگ ءُ کُشگ ءَ اَنت کہ آئی زوت بند بہ کن اَنت-

راج ءِ پھازگ ءِ زمہ واری پوج سر ءَ اِنت بلے پھازگ وتی جاہ ءَ یکجاھی سزا ءَ ئے نشانگ کنگ ءُ کُشگ ءَ اَنت- گوستگیں سے روچانی تہ ءَ نوشکی ءُ پنجگور ءَ ھوار دگہ دمگاں بے میاریں مردماں نشانگ کتگ ءُ کشتگ اَنت ءُ بازیں مردمے زورانسری آوار جتگ ءُ بیگواہ کتگ اَنت انسانی ھکانی یک بلاھیں لگتمالی یے – ریاست وتی شھریانی گوم ءَ زوراکی ءَ یل بہ کنت-

جارکش ءَ گوشتگ کہ گوستگیں روچ ءَ پنجگور ءُ نوشکی ءَ بوتگیں وئیلاں پد اے تُرس ودی بوگ ءَ اِنت کہ مزنیں کچے ءَ یکجاھی سزا ءَ ئے دروشم ءَ بے میاریں مردمانی نشانگ کنگ ءَ پد تُرس گوں راستی ءَ بدل بوتگ- گوستگیں روچاں پنجگور ءَ چہ نیمساریں مردم ندیم ابدال، انٹرنیشنل اسلامک یونیورسٹی اسلام آباد ءِ فرسٹ ائیر ءِ نودربر احتشام ء گلام سرور ءُ بالگتر ءِ نندوک الطاف دروگیں میڑے ءَ ءُ مچھ چہ ھم یک بیگواھیں مردمے ءِ کُشگ ء ھال سر بوتگ وھدیکہ اے میان درزنے ھساب ءَ مردم پاکستانی پوج ءَ چست کتگ ءُ بیگواہ کتگ اَنت کہ آیانی تہ ءَ سیاسی باسک ءُ سوشل میڈیا چست ءُ ایر کنوک ملک میران ، بالاچ ، عقیل ءُ شبیر ناماں چہ بوتگ اَنت کہ آیانی زند درگت ءَ کھول تُرس آماچ اَنت-

دومی نیمگ ءَ نوشکی ءَ تنی وھدے موباھل نیٹورک بند اَنت وھدے کہ کش ءُ گور ءِ دمگاں جھلی بُرزی لشکر کشی برجاہ ءَ اِنت – نوشکی ءِ دمگ مل ءُ کش ءُ گوراں مروچی ھم پوج لشکر کشی برجاہ ءَ اِنت ءُ سرجمیں ضلع ءَ سد ءَ گیش مردمانی آوار جنگ ءِ ھال اِنت کہ آیانی تہ ءَ دو مردمانی پجّار وھید ء ءُ گُشندہ آسم ناماں چہ بوتگ اَنت-

پاکستانی پوج ءِ نیمگ ءَ بے میاریں مردمانی تاوان دیگ ءِ ھک ءَ نہ ایں ءُ اے گیش جیڑھانی سوب جوڑ بوت کن اَنت- ریاست ءِ زمہ واری زھرشانی کنان ءَ شھریاں ھکانی پھازگ کنگ لوٹ اِیت – مزنیں آمیدگساں ھوار پاکستان ءِ انسانی ھکانی ادارھاں گوں دزبندی کن ایں کہ بلوچستان ءَ انسانی ھکانی ءِ لگتمالی ءَ گر ءُ دار ءَ وتی کرد ءَ پیلو بہ کن اَنت-

جارکش ءَ گوشتگ کہ بلوچستان ءَ دیر ءَ دراجاں چہ انسانی ھکانی لگتمالی برجاہ ءَ اِنت ءُ اے درگت ءَ ھرچ کجام ادارہ کار کنگ ءُ زمہ واری ءِ زھرشانی ءَ ساڑی نہ اَنت- بلوچستان ءَ ھمکروچی مردم زھرشانی نیمگ ءَ رو اَنت بلے آیاں مدام بے اُمیت کن اَنت-

بلوچستان ءَ چہ نودربراں بگر پوریاگری ءَ ھمگرنچیں مردم مدام زھرشانی ءَ بنت- آمید گس کجام ھم ھما ریاست ءِ ھاسیں ستون اِنت ءُ بلوچستان ءَ جیڑہ ءَ اشی ءِ کردار ھیرانی ءِ- آمیدگس ءَ لوٹ اِیت آ بلوچستان ءَ بؤکیں انسانی ھکانی لگتمالی ءَ گر ءُ دار ءَ وتی کرد ءَ پیلو بہ کنت-