شال ءَ سی ٹی ڈی ءِ کارمندانی سر ءَ بیتگیں اُرش ءِ زمہ واری بی این اے ءَ منّ اِتگ

سی ٹی ڈی، ایم آئی ءِ کنٹرول ءِ سر ءَ بیگواھیں بلوچاں دیم پہ دیمی دروگیں میڑ ءِ نام ءَ شھید کنگ اِنت- مرید بلوچ

بلوچ نیشنلسٹ آرمی ءِ جارکش مرید بلوچ ءَ وتی شنگ کرتگیں درشانی ءِ تہ ءَ گُشتگ مروچی شال ءِ دمگ سریاب مل ولی ءَ جیٹ ءِ نزیک ءَ سی ٹی ڈی ءِ کارمند ھما وھد ءَ ریموٹ کنٹرول بمب ءِ نشانگ کرتگ اَنت آ سَے پرپٹانی ھواری ءَ گشت کنگ ءَ بیتگ اَنت –

جارکش ءَ گُشتگ سی ٹی ڈی ھما وھد ءَ شکی ئیں پرپٹانی پَٹ ءُ پول ءَ بیتگ ھمے وھد ءَ مئے سرمچاراں شورواں بستگیں پرپٹ تراکینتگ ءُ چریشی ءَ چار کارندہ ھما جاہ ءَ مرتگ ءُ دو زدگ بیتگ اَنت-

مرید بلوچ ءَ گُشتگ سی ٹی ڈی ءِ سر ءَ یک شوربندی ءَ اُرش کرتگ اے ڈیپارٹمنٹ ایم آئی ءِ گوشگ ءَ بیگواھیں مردماں دروگیں میڑ ءِ نام ءَ شھید کنگ ءَ تچک ءَ ھوار اِنت-

جارکش ءَ گُشتگ ما بلوچ راج ءِ ورنایاں گوں دزبندی کن ایں آ اے ڈیپارٹمنٹ ءَ برتی مہ بنت کہ اشی ءِ سر ءَ کجام ھم وھد ءَ گیش اُرش کنگ بنت-

جارکش ءُ گُشتگ اے وڑیں اُرش بلوچستان ءِ آجوئی ءَ داں برجاہ مان اَنت-