کیچ : تربت ءَ نیوی ءِ بنجل ءِ سر ءَ اُرش

سربوتگیں ھالانی رِد ءَ بلوچستان ءِ دمگ کیچ ءَ پاکستانی نیوی بنجل ءِ سر ءَ اُرش کنگ بوتگ –

اھوالکار ءِ رِد ءَ مروچی پنچ شمبے شپ ءَ نیوی بنجل ءِ سر ءَ بی ایم راکٹ گولہ آس دئیگ بوتگ –

بنداتی ھالانی رِد ءَ راکٹ اُرش ءَ چہ ھچ وڈیں جانی تاوان ءِ ھال نیست ءُ ناکہ پوج ءِ نیمگ ءَ اے درگت ءَ دنیگت ءَ ھچ گپ دیم ءَ نہ اتکگ-

زانگ بہ بیت چدو پیش ھم کیچ ءَ پاکستانی پوج ءُ آئی ءِ بنجل ءُ پانگسانی سر ءَ راکٹ اُرش بوتگ کہ آھانی زمہ واری بلوچ اجوئی لوٹوکیں سلاہ بندیں گلاں منّ اِتگ انت بلے مروچی بوتگیں اُرش ءِ زمہ واری تنی وھدی ھچ گل ءَ نہ منّ اِتگ-