کولواہ ءَ پاکستانی پوج ءِ گوم ءَ میڑ ءَ سَے کارندہ کُشتگ اَنت – بی ایل ایف

بلوچ آجوئی لوٹوکیں سلاہ بندیں گل بلوچستان لبریشن پرنٹ ءِ جارکش میجر گوھرام بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ شانزدہ جنوری ءَ کولواہ ءَ آتراپ کورءَ پاکستانی پوج ءِ گوم ءَ میڑ ءَ پوج ءِ سَے کارمند کُشتگ ءُ بازینے زدگ کُتگ –

آئی ءَ دیمتر ءَ وتی درشان ءِ تہ ءَ گوشتگ کہ مئے سرمچار تر ءُ تاب ءَ بوتگ انت کہ پوکستانی پوج ءِ ڈیک ءَ کپتگ انت سرمچاراں جوانیں جنگی رپک ءُ ھنراں دژمن پوج پدکنزینتگ میڑ ءَ زورگیریں پوج ءِ سَے کارمند مُرتگ ءُ بازینے زدگ بوتگ مئے سرمچار پہ وش سلامتی جنگ جاہ ءَ چہ در آھگ ءَ سوبین بوتگ اَنت – اے میاں مئے سرمچارانی گوم ءَ دگہ آجوئی لوٹوکیں گل ءَ سیادی داروکیں سرمچار ھم مئے سرمچارانی ھمراہ بوتگ انت آھان ہم تمردی ءَ گوں دژمن جنگ داتگ ءُ سنگتانی ھمراھی ءَ پہ وشی وتی ھوتاگ ءَ سربوتگ انت –

گڈسر ءَ میجر گوھرام ءَ وتی درشان ءِ تہ ءَ گوشتگ کہ پاکستانی پوج ءُ آئی کمک کارانی بگیری ءَ بلوچستان ءِ آجوئی تاں مئے سلاہ بندیں جھد برجاہ مانیت –