جعفر ایکسپریس ریل ءِ سر ءَ اُرش، اُرش ءِ زمہ واری بی ایل اے ءَ منّ اِتگ

بلوچستان ءِ دمگ سبی ءَ شال تاں پشاور ءَ رؤکیں جعفر ایکسپریس ریل ناشناسیں مردماں تراک ناکیں شوروانی نشانگ جوڑ کتگ –

ریل ءِ سر ءَ اُرش سبی ءِ دمگ مشکاف ءَ بوتگ چریشی ءَ شال ءَ چہ پشاور ءَ رؤکیں ریل ءِ سَے بوگی پٹری ءَ چہ ایراتکگ –

دومی نیمگ ءَ اے اُرش ءِ زمہ واری بلوچ آجوئی لوٹوکیں سلاہ بندیں گل بلوچ لبریشن آرمی ءِ جارکش جئیند بلوچ ءَ منّ اِتگ گوشتگ کہ مئے سرمچاراں مروچی سَے شمبے روچ ءَ سبی ءِ نزیک ءَ بولان ءِ دمگ مشکاف تراک ناکیں شورو کل کُتگ ءُ شال تاں پنجاپ ءَ رؤکیں جعفر ایکسپریس ریل وتی نشانگ جوڈ کرتگ – چریشی ءَ ریل ءِ سَے بوگی چہ پٹی ءَ چہ چپی بوتگ انت –

جارکش ءَ گوشتگ کہ اے ریل ءَ زورگیریں پاکستانی پوج ءِ کارمند سوار بوتگ انت کہ چُٹیاں وتی گِساں رؤگ ءَ بوتگ انت – بی ایل اے انٹلیجنس ونگ ءَ ھال ءِ سر بوھگ ءَ سرمچاراں اے کار انجام داتگ – تراک ءَ چہ بوگیاں سواراں درسیں کارمند مرتگ ءُ زدگ بوتگ انت –

جارکش ءَ گوشتگ کہ بلوچ سرڈگار آجوئی ءَ تاں مئے اُرش برجاہ مان انت –