جی ایم سید ءِ سالروچ درگت ءَ سرجمیں سندھ 144 جنگ بوتگ

سندھی راجدوست ءُ سندھو دیش زرمبشت ءِ سروک سائیں جی ایم سید ءِ 118 ءِ سالروچ درگت پوج ءَ مروچی سرجمیں سندھ 145 جتگ ءُ سن ءَ رؤکیں سرجمیں کاروان بازیں جاھاں اوشتارینتگ اَنت-

جسقم ، جسم ، جست ، سندھ سجاگی فورم ، وائس فار مسنگ پرسنز آف سندھ ءِ کاروان سارنگ جویو ، سہنی جویو ، سورٹھ لوھار، سسئی لوھار ، مسعود شاہ ءُ دگہ باسکانی سروکی ءَ کراچی ءَ چہ سن ءَ رؤکیں کاروان جامشورو ٹول پلازہ ءَ پاکستانی پوج رینجرز ، پولیس ءُ سادھیں گُدانی تہ ءِ کارندھاں انگر ھَ کتگ اَت ، ءُ دزگیر کنگ ءُ دارگ ءِ سر ءَ باسک ءُ پوج میان ءَ شور ءُ شار بوتگ- وھدے کہ دومی نیمگ ءَ ٹول پلازہ پیٹارو ، قاضی احمد پُھل ءَ ھوار سندھ بازیں جاھاں رینجرز ءُ پولیس ءِ نیمگ ءَ چہ سن ءَ روکیں کاروان ءِ دارگ ءِ سر ءَ جنگ ءُ چوپ بوتگ – چریشی ءَ بازیں باسکی دزگیری ءُ بیگواہ کنگ ءِ ھال سر بوتگ-

دومی نیمگ ءَ ھکومت ءِ نیمگ ءَ چہ مروچی سن شھر ءَ پابندی ءُ 144 جنگ ءَ اَبید لکانی ھساب ءَ مھلوک سائیں جی ایم سید ءِ سالروچ ءِ درگت ءَ سن ءَ سر بوتگ اَنت-

وھدے کہ راجدوستیں پارٹیاں سن ءَ روانک کش اِتگ ءُ سائیں جی ایم سید ءِ مانش سر ءَ سربوتگ ءُ مُچی کتگ-

راھشوناں گوشتگ کہ پاکستان ریاست ھمینچو جُھد بہ کنت مارا وتی راجی راھشون ءِ روچ ءَ یکجاہ بوگ ءَ داشت کُت نہ کنت – سندھ ءَ گرانیں وھد اَتکگ اَنت- ھر نیمگ ءَ سندھ ڈیھ سر ءَ اُرش ءُ زورگری برجاہ ءُ اِنت- وتی دیمونیاں ءُ بازیں جُھدانی سوب ءَ ما سندھ آجو کنگ ءِ اھد کن ایں-

ھمے درگت ءَ سندھ سجاگی فروم ، سندھ سبھا ءُ جسقم نوابشاہ ءِ نیمگ ءَ سائیں جی ایم سید ءِ مانش ءِ پارک ءَ پاکستانی پوج دست ءَ بیگواہ کنگ بوتگیں باسکانی آجوئی ءِ ھاتر ءَ مسنگ پرسنز بُنجل ھم جتگ اِت-