یورپئین پریمئیر لیگ فٹبال گوازی برجاہ، دوشی شپ ءَ ساؤتھ ایمپتون ءُ برینٹ فورڈ ءِ میان ءَ گوازی کنگ بوتگ کہ ساؤتھ ایمپتون ءَ چار پہ یک گولے ءَ گوازی کٹ اتگ –
گوستگیں شپ ءَ پریمئیر لیگ فٹبال گوازی ءَ ساؤتھ ایمپتون ءِ نیمگ ءَ چہ چار گول اسکور کنگ بوتگ وھدیکہ برینٹ فورڈ ءِ نیمگ ءَ چہ یک گولے اسکور کنگ- گوازی ءِ بندات ءَ ساؤتھ ایمپتون ءِ لیبی جان بیڈنارک ءَ پنچمی ملٹ ءِ تہ ءَ گولے اسکور کتگ وھدیکہ لیبی ویٹالے جنیلٹ ءَ بیست ءُ سیمی مِلٹ ءِ تہ ءَ برینٹ فورڈ ءِ نیمگ ءَ یک گولے اسکور کتگ ھردو ٹیم دیمیگ بوتگ اَنگ – بلے گوازی ءَ دیر نہ گوستگ ات سِی ءُ ھپتمی ملٹ ءِ تہ ءَ ساؤتھ ایمپتون ءِ نیمگ ءَ چہ دومی گول اسکور کنگ بوت کہ لیبی اے.فرنندز ءَ دات – ھمے وڑ گوازی چِل ءُ نھمی ملٹ ءِ تہ ءَ اے. بروجا ءَ ھم یک گولے اسکور کت – ساؤتھ ایمپتون ءِ لیبیاں جوانی ءَ گوازی کنان ءَ ھپتادمی ملٹ ءِ تہ ءَ چی.آدمس ءَ چارمی گول اسکور کُت بریفورڈ چہ سَے گول ءَ گوازی کٹ اِت ـ برینفورڈ ءِ لیبیاں گوازی ءِ گڈسر ءَ داں گول اسکور کنگ ءِ جھد کُت بلے دگہ گول اسکور کنگ ءَ بے سوب بوت انت –